Iðunn : nýr flokkur - 01.12.1929, Qupperneq 6
328
Einar H. Kvaran sjötugur
ÍDUNN
frekar dimmt yfir lífsskoðun hans; hann sá enga vissa
von um leiðréttingu málanna hér eða í öðrum heimi.
En síðan að hann öðlaðist eilífðarvissuna, hefur orðið
bjartara yfir lífsskoðun hans, og er það mjög að vonum.
Honum var ljóst einstakt gildi mannlegrar sálar, jafnvel
áður en hann öðlaðist sannfæringuna um framhaldslíf
hennar eftir dauðann, en því sárara var að sjá öll þau
verðmæti fara forgörðum, ef ekki fyr, þá í dauðanum,
— einatt eftir spillt eða þjáningafullt líf. En við sann-
anirnar fyrir framhaldslífinu hefur sú sannfæring hans
eflzt og víkkað, að hver einstök mannssál hafi óendan-
legt gildi og að engin verðmæti fari algerlega forgörð-
um, en þá trú telur heimspekingurinn Höffding vera
kjarna trúarbragðanna. —
»Sá fær sjaldan Iof, sem á ljósinu heldur*, segir mál-
tækið, og á það einatt við um forgöngumenn nýs sann-
leika. Einar H. Kvaran hefur fengið að reyna þetta í
baráttu sinni fyrir því, að gera spíritismann og sálar-
rannsóknirnar kunnar hér á landi. Eg ætla ekki að rifja
hér upp þá sögu, en árangur baráttunnar, — baráttu,
sem E. H. Kv. hóf, þótt hann fengi þar brátt ágætan
samverkamann, sem var próf. Haraldur heitinn Níelsson
— er augljós á framgangi spíritismans hér á landi. Var
E. H. Kv., eins og kunnugt er, forgöngumaður að stofn-
un S. R. F. í. (Sálarrannsóknafélags íslands) og hefur
verið forseti þess frá upphafi og ritstjóri tímaritsins
»Morguns«. Hygg ég, að þótt nútíðin kunni ef til vill
ekki að meta að verðleikum starf E. H. Kv. í þágu
spíritismans, þá muni framtíðin kunna honum þökk og
heiður fyrir að hafa komið því merkilega máli á rekspöl
hér á landi. —
Aðalkjarninn í boðskap E. H. Kv. er, eins og áður
er sagt, kærleikur og mannúð. Honum hefur verið borið