Iðunn : nýr flokkur - 01.12.1929, Blaðsíða 51

1DUNN
Upton Sinclair.
373
vörðungu, heldur einkum til alþýðu sjálfrar, fólksins, og
strýkur skýið af augum hinna blindu.
Meistaratök Sinclairs á orðsins list hafa, þrátt fyrir
alla andspyrnuna, gert hann að svipuðu stórveldi innan
Bandaríkjanna eins og Leo Tolstoi var í Rússlandi á
sínum tíma. Yfirdrottnarar Bandaríkjaveldis þora ekki
fremur að siga lögreglu sinni á hann en drottnar hins
forna Rússaveldis á öldunginn frá Jasnaja Poljana. Sá
stuggur er annars gamalþektur, sem oddamönnum harð-
stjórna stendur af því að hreyfa við þeim andans mönn-
um, sem eru þess megnugir að halda uppi sambandi
við allan lýðinn gegn um miðil málsins. Rætur slíkra
manna standa of djúpt í jarðlögum þjóðfélagsins til þess
að það sé áhættulaust að rífa þá upp og fyrirfara þeim,
og er þá heldur hitt ráðið tekið, að reyna að þegja þá
fram af sér og kasta í þá skít á milli, eins og verzlun-
arvaldið í Ameríku hefir verið að reyna við Upton Sin-
clair í tuttugu og fimm ár. Það stafar frá persónu Up-
ton Sinclairs slíkt undrablik, að jafnvel illkynjuðustu
eiturnöðrur hörfa undan honum skelfdar og þora ekki
að snerta hann (sbr. t. d. Lorimer og Webster Thayer).
Styrjaldarbullur og stórburgeisar Bandaríkjanna voru
lengi að kvolast með hinn sannheilaga mann, postulann
Eugene Debs, í tugthúsum, þeir brendu með rafmagni
lífið úr hinu innblásna göfugmenni Vanzetti og Sacco
félaga hans, eftir að hafa pínt þá hvíldarlaust í sjö ár,
og þeir stunda það líkt og einskonar íþrótt að leiða
saklausa verkamannaforingja fyrir dómstóla sína, kaupa
meinsærismenn til að ljúga á þá morðum og ránum og
dæma þá samkvæmt því (sbr. Sacco-Vanzetti og Mooney-
Billings-málin, Centralia-hneykslið og Gastonia-ofsókn-
irnar, sem nú standa sem hæst, til þess að benda á
nokkur dæmi), — eða þeir láta hengja verkamannaleið-
Iðunn XIII. 24