Iðunn : nýr flokkur - 01.12.1929, Blaðsíða 52

374
Upton Sinclair.
IÐUNN
loga, brenna þá og drekkja þeim án dóms og lagaf
sem heita má árleg blessun hér í landi. En þeir hafa
til þessa dags ætíð hopað undan, nöldrandi og bölvandi,
fyrir eldi þeim, sem lýsir af'hinni innblásnu mannvinar-
ásjónu Upton Sinclairs, — mér er ekki kunnugt um, að
þeir hafi nema einu sinni vogað að stinga honum inn í
dýflissur sínar, en það var í ógáti verkfallinu í San
Pedro 1919, og honum var hleypt út aftur óðar en
vitnaðist hver hann var. Samt skrifaði hann svo, þegar
Boston fór að kveinka sér undan áburði hans á hendur
Fuller ríkisstjóra og Thayer dómara út af Sacco-Van-
zetti-morðinu: »Komið þið ef þið þorið. Eg mana ykkur«.
En þeir þorðu ekki. Það var ekki að eins búið að
drepa hina ítölsku mannvini í rafmagnsstólnum, heldur
einnig dæma nöfn þeirra til eilífrar þagnar: búið að
gera þau að tabú í blöðunum og, samkvæmt fyrirskipun
frá hinum almáttugu kvikmyndabarónum, búið að brenna
á báli hverja einustu myndaræmu, sem til'var frá hin-
um æðisgengnu dögum baráttunnar um líf ítalanna. Alt
hafði verið gert til að þurka þetta^ herfilega morð út úr
tilverunni. Svo pótentátarnir í Massachusetts þorðu ekki
að hreyfa litlafingurinn gegn Sinclair út af »Boston«, —
hefðu þeir gert það, mundi álfan hafa staðið í ljósum
loga út af Sacco og Vanzetti á nýan Ieik.
Upton Sinclair hefir tekið undir rannsókn eitt tækið
af öðru af þeim, sem verzlunarvaldið notar til að blekkja
lýðinn til undirgefni við kúnstir sínar. The Goose Step
og The Goslings eru rannsóknir’ hans á skollaförum
þess í æsku-uppfræðslu í Bandaríkjunum, Profits of
Religion er um trúarbrögðin, sem rekin hafa verið ýmist
sem bein fjárgróðafyrirtæki eða blekkingarmeðul í hönd-
um auðvaldsins, bæði að fornu^og nýu, í Brass Checque
kryfur hann blaðamenskuna til mergjar og sýnir fram á.