Kirkjuritið - 01.09.1953, Page 8

154
KIRKJURITIÐ
hefir orð eilífs lífs. Þú birtir lög hins alvalda og algóða
Guðs, þú, sannleikurinn og lífið.
Guð hefir sjálfur lagt grundvöllinn, hinn hæsti höfuð-
smiður himins og jarðar, eins og feður vorir komust að
orði. Ekkert stenzt með mönnum, nema það sé í samhljóð-
an við vilja hans, eða eins og Kristur sagði á sínu líkinga-
máli: Sérhver jurt, sem minn himneski faðir hefir eigi
gróðursett, mun upprætt verða.
En allt, sem reist er á vilja Guðs, varir um aldir alda.
Vinnum þannig að frelsi íslands og framtíðarheill:
Reisum hátt og traust að Guðs vilja, allir sameiginlega.
Sérhver athugi, hvernig hann byggir. Annan grundvöll
getur enginn lagt en þann, sem lagður er, sem er Jesús
Kristur.
Gleðilega þjóðhátíð í nafni hans.
Bæn fyrir friði.
(Úr bréfi frá prófasti).
Ég sté hér í stólinn ekki fyrir löngu síðan og gerði að um-
ræðuefni heimsvandamálin og þá sérstaklega ófriðarhættuna.
Eina úrræðið taldi ég bænina, því fyrir hennar aðgerðir hefðu
og gætu enn orðið kraftaverk. Tillögu bar ég fram um, að for-
ráðamenn kirkjunnar hér á landi ættu hlut að því, að nokkrar
mínútur á hverju kvöldi væru í útvarpinu helgaðar bæn áður en
því lyki og þá aðallega beðið um frið — frið í hjartað fyrst af
öllu — frið Jesú Krists — og svo alheimsfrið. Ef íslenzka þjóð-
in stæði þar öll sem einn maður, gæti hún, þessi litla þjóð, orðið
þess valdandi, að vopnin yrðu lögð niður í heiminum.