Eimreiðin - 01.01.1944, Blaðsíða 24

4
VIÐ ÞJÓÐVEGINN
KIMRBIÐIN
17. júní 1944.
Sú breyting var gerð á bráðabirgðastjórnarskrá þeirri,
sem alþingi samþykkti í sambandi við þingsályktunartil-
löguna, að fellt var burt úr henni ákvæðið um, að gildis-
taka sambandsslitanna og stofnun lýðveldis skyldi fram
fara 17. júní 1944. Var það gert til samkomulags, en jafn-
framt bundust þrír stærstu flokkar þingsins samtökum
um, að gildistökudagurinn verði 17. júní næstkomandi. I
sömu átt hníga allar ályktanir og samþykktir félagsfunda
og flokkaheilda, sem borizt hafa vísvegar að og úr öllum
landshlutum. Mun því mega telja víst, að svo verði sem
ráð var fyrir gert í stjórnarskrárfrumvarpinu. Afmælis-
dagur Jóns Sigurðssonar fær nú tvöfalt gildi, um leið og
hann verður gildistökudagur fullveldis lands og þjóðar.
Þess vegna styrkjast nú rökin fyrir því, að 17. júní eigi
að vera framvegis sá eini og sanni þjóðhátíðardagur ís-
lendinga, hafi þau rök eigi verið nógu sterk áður. Enginn
Islendingur getur hugsað sér hátíðina 17. júní í sumar
öðruvísi en sem hina mestu alvörustund í Iífi þjóðarinnar,
en jafnframt hátíð kyrrlátrar, yfirlætislausrar gleði yfir
því, sem áunnizt hefur þann tíma, sem liðinn er, og yfir
því, sem framtíðin ber í skauti sínu af farsæld og ham-
ingju. Hávaðasöm, glysmikil og glamurkennd veizluhöld
eiga ekki við á þessari stund djarfra drauma og stórrar
ábyrgðar.
Fjögra ára áœtlun.
Nú líður óðum að því, að styrjöldinni, a. m. k. í Evrópu,
verði lokið með sigri bandamanna. íslenzka þjóðin hefur
í i’auninni verið og er þátttakandi í þessai’i styi’jöld, þótt
ekki hafi hún getað talið nema fáa eina, sem hafa með
vopnum bai’izt. En hún hefur lagt fram vinnuafl sitt til
hernaðarframkvæmda og siglt skipum sínum til að flytja
björg til styrjaldarþjóðar. Sömu vandamál bíða hennar
og annarra bandamannaþjóða, þegar styrjöldinni lýkur.
Óeðlileg eftirspurn eftir vinnuafli og óeðlilega hátt mark-
aðsverð íslenzkra afurða hverfur fljótt, þegar afturkastið
kemur. Hvernig er þjóðin undir þetta tvennt búin? Hvaða