Eimreiðin - 01.09.1960, Qupperneq 32

216
EIMREIÐIN
roði og vandræði. Önnur vilja ekki verð'a fullorðin; slikt nefnist
infantílismi. Og einmitt þetta sýnir sig síðar á texnnni. I staðinn
fyrir barnavagninn vilja þau fá lúxusbilinn, i staðinn fyrir mjólkur-
pelann vilja þessi fullorðnu börn fá brennivínspelann og dans-
músikina i staðinn fyrir vögguvisurnar, sem notaðar voru til að
svæfa þau með. Með þessu móti hefna börnin sín á borginni — og
á marga fleiri vegu.
Þessi styrjöld borgarinnar gegn barninu er ekki ný af nálinni.
Hún hefur staðið lengi og menn bafa fundið til hennar. Þess vegna
er líka flótti úr miðborgunum í úthverfin og af þessum sökum eru
stöðugt að myndast ný úthverfi í borgum, þar sem menn þeir,
sem hafa efni á því, byggja upp ný borgarhverfi til þess að hafa
rúmt um sig. Þessa þróun getum vér rakið bæði í Chicago og
Lundúnum og Reykjavík. Og enn fleiri menn myndu slást í förina
á þessum flótta úr miðborgunum ef þeir hefðu efni á því. En borg-
in rekur flóttan og þenur sig út. Og miðað við velferð barnanna
er vinningurinn minni en ætla mætti. Spillingin eltir menn eins og
draugarnir gerðu áður, hún smýgur inn á heimilin gegn um sjón-
varpið, þótt hurðin sé lokuð.
Svo rammt kveður að þessu að menn í sjónvarpslöndum hafa
gert með sér samtök um að reka það á flótta og hafa það ekki í hús-
um sínum, en leggja þess i stað stund á skapandi menningu. Og
margir hafa tekið að skera niður notkun útvarps á heimilum sinurn,
ekki sizt eftir að vísindamenn hafa fœrt sönnur á skaðsemi hávaðans
með tilraunum og mælingum og lög hafa verið sett gegn hávaða-
(Sbr. Science Digest, Sept. 1959).
Velferð kennaranna og velferð barnanna.
Hér er ekki til umræðu velferð kennara í heild. Þeir eru vel
menntaðir menn og færir um að fjalla um sín eigin mál og yfir'
leitt ættu menn að gefa vel gaum að því bezta, sem þeir liafa fra111
að bera. En velferð barnanna og kennaranna verður að minum
dómi ekki aðskilin. Miklar kröfur eru gerðar til kennara um góða
framkomu, þolinmæði, þekkingu og aðra mannkosti samkvæfflt
fræðslulögum og má þetta furðulegt lieita meðal þjóðar, seffl er
fljót að rífa niður ýmislegt, sem upp er byggt af kennurum. í „Lög-
um og reglum um skóla- og menningarmál á íslandi“ er fjallað 11111
þœr kröfur, sem til kennara eru gerðar og um menntun þeirra og
vísast til þeirrar bókar. Ættu allir, sem eiga börn í skóla, að kynna