Eimreiðin - 01.05.1967, Síða 35

AFMÆLISKVEÐJA TIL RICHARDS BECKS
123
Austfirðinga taka til þess, hversu þá hafi verið hraustlega róið. Ekki
þótti það sæmandi, að drengurinn frá Svínaskálastekk reri allar sínar
ferðir á miðin sem óbreyttur háseti, heldur var hann gerður að
formanni á báti. Það munu þeir vita, sem þekkja dr. Beck, að ekki
hefir áhöfninni á þeim báti leyfzt að sofa út á morgnana, og þó að
ég hafi ekki fengið um það staðfestar fregnir, þykir mér sennilegt,
að bátur Richards Becks hafi flutt heim úr hverjum róðri bæði fleiri
fiska og stærri en fundnir yrðu í öðrum bátum þann daginn.
Það lætur að líkum, að á æskuárum Richards Becks mun mönn-
um hafa sýnzt, að kostnaðarsamt langskólanám myndi verða hon-
um erfitt í fjárhagslegu tilliti. Hér var þó þess að gæta, að í hlut
átti maður, sem bjó yfir metnaði fornra víkinga og var auk þess
,,bæði námgjarn og minnugur“. Richard Beck hvarf því að því ráði
að hefja nám utanskóla, og utanskóla lauk hann stúdentsprófi frá
Menntaskólanum í Reykjavík árið 1920 með hárri einkunn.
Skömmu síðar fluttist hann vestur um lraf og hóf nám í bókmennt-
um og málvísindum við einn af fremstu háskólum Bandaríkja-
manna, Cornell hásklóann í íþöku. Þaðan lauk hann meistaraprófi
árið 1924 og doktorsprófi í heimspeki lauk hann frá sama skóla
árið 1926.
Af framanskráðu má ráða, að ekki verður það sagt, að Richard
Beck slægi slöku við námið á skólaárunum. Nærri sanni mun það,
að námsferill hans eigi sér fáar liliðstæður í skóla- og námssögu Is-
lendinga.
Einn fyrsti skólinn, sem Richard Beck sótti utan heimilis, var
fólginn í sjósókn út af Austfjörðum. í slíkum skóla lærist mönnum
árvekni, og hér hygg ég, að sé að nokkru fundin skýringin á því,
hversu árrisull og viðbragðsfljótur Richard Beck hefur ávallt verið.
Hann var ævinlega kominn á fætur fyrir allar aldir og skiptir þá
engu máli, þó að hann hafi komið heim úr langferð um miðnætti
kvöldið áður. Líkamlegt þrek þessa manns hlýtur að hafa stælzt við
sjóróðranna, sem hann stundaði í æsku. Að minnsta kosti er rétt að
halda sem fastast í þá skýringu þangað til önnur betri er fundin.
Á sjötugsafmæli Richards Becks er þess að minnast, að hann hef-
ur starfað sem prófessor við bandaríska háskóla í meira en fjóra
áratugi. Hann hóf kennslustörf við St. Olaf College í Minnesóta-
ríki árið 1926. Árið 1928—29 kenndi hann við Thiel-háskólann í
Pennsylvaníu, en haustið 1929 flutist Richard til Grand Forks til
þess að taka við embætti sem prófessor í Norðurlandamálum og