Tímarit lögfræðinga - 01.12.1997, Qupperneq 99

gefist vel. Lokið er ljósprentun eldri árganga tímaritsins sem lengi hafa verið
ófáanlegir. Félagsmönnum voru á starfsárinu boðin kostakjör varðandi kaup á
eldri árgöngum og notfærðu margir félagsmenn sér það. Birgðir tímaritsins hafa
verið á nokkrum hrakhólum á starfsárinu eftir að þær þurfti að flytja úr
geymsluhúsnæði í Héraðsdómi Reykjavíkur sem góðfúslega var léð um stund-
arsakir.
Af hálfu stjómar hefur Steinunn Guðbjartsdóttir haft með höndum fram-
kvæmdastjórn Tímarits lögfræðinga og sinnt því vel.
8. Lögfræðingatal
Lögfræðingatal 1736-1992 kom út haustið 1993 á vegum bókaútgáfunnar
Iðunnar. I ritnefnd em Garðar Gíslason hæstaréttardómari, formaður, Dögg
Pálsdóttir hrl. og Skúli Guðmundsson skrifstofustjóri. Ritstjóri talsins var
ráðinn Gunnlaugur Haraldsson. Lögfræðingafélag íslands keypti á sínum tíma
höfundarétt að Lögfræðingatölum Agnars Kl. Jónssonar til að unnt yrði að
ráðast í útgáfu nýs heildartals lögfræðinga.
Eins og fyrr segir kom Lögfræðingatalið sjálft út haustið 1993 í þremur
bindum. Vinna við fjórða bindið hefur tafist meira en nokkum óraði fyrir í
upphafi og hefur útgáfa þess dregist svo lengi að óþægilegt er orðið. Vonir
stóðu til að fjórða bindið kæmi út fyrir jólin 1996 eins og skýrt var frá á síðasta
aðalfundi. Af því varð þó ekki. Það er sérstaklega ánægjulegt að skýra frá því
hér að vinnu við fjórða bindið er nú lokið og liggja hér frammi tvö eintök af því.
I þessu fjórða bindi eru m.a. æviskrár 259 erlendra lögfræðinga af íslenskum
uppruna, æviskrár 102 lögfræðinga sem útskrifuðust 1993 og 1994, heimilda-
skrá og leiðréttingar auk ítarlegrar nafnaskrár.
Utgáfa hins nýja Lögfræðingatals sem nú er lokið er merkur atburður fyrir
Lögfræðingafélagið og stétt íslenskra lögfræðinga. Sérstök ástæða er til að
flytja þakkir öllum þeim sem lögðu hönd á plóginn við að koma út þessu merka
riti svo vönduðu og ágætu sem raun ber vitni.
9. Samstarf við systurfélög á Norðurlöndum
Fyrir nokkrum árum tókst samvinna við önnur lögfræðingafélög á Norður-
löndum. Framkvæmdastjóri félagsins sótti 12. og 13. júní 1997 árlegan fund
framkvæmdastjóra norrænna lögfræðingafélaga. Fundurinn var að þessu sinni
haldinn í Danmörku.
Næsti fundur félaganna er fyrirhugaður á íslandi vorið 1998 og mun fram-
kvæmdastjóri félagsins verða norrænu systurfélögunum innan handar við
undirbúning hans.
10. Félagaskrá og félagsgjöld
A þessu starfsári voru u.þ.b. 850 gíróseðlar sendir til félagsmanna með
árgjaldi sem ákveðið var að yrði óbreytt starfsárið 1996-1997 eða kr. 3.000.
323