Hlín - 01.01.1924, Qupperneq 14

12
Hlln
aði og uppeldis- og mentamálum, og reynt að ná mark-
miði sínu sem nú skal greina:
Garðyrkja. Fyrir áeggjan S. N. K. tók Ræktunarfjelag
Norðurlands 4 konur, eins og að undanförnu, til náms
yfir vorið, sumarið og haustið í Tilraunastöð fjelagsins
við Akureyri. Nutu þær þar verklegrar og bóklegrar
fræðslu í öllu, er að trjá-. matjurta- og blómarækt lýtur,
og matreiddu jurtafæðu að haustinu. Um 30 konur hafa
þannig á undanförnum árum notið garðyrkjufræðslu á
Akureyri fyrir milligöngu Sambands norðlenskra kvenna.
Starfa sumar þessar konur til og frá um Norðurland, og
leiðbeina ýmist fyrir fjelög eða í kring um sig í sveit-
unum, hirða um trjáreiti Ungmennafjelaga o. fl. — Oarð-
yrkjukonur frá Akureyri hafa einnig starfað að garðrækt
á Vífilsstöðum, á Hólum í Hjaltadal, á Reykjum í Mos-
fellssveit, í Listigarði Akureyrar og víðar. Nokkrar hafa
og farið utan til frekara náms. — Þörfin á innlendri
fræðslu í garðrækt er augljós, og fræðsla í þeim efnum
er hvergi veitt vorið, sumarið og haustið (ásamt mat-
jurtamatreiðslu) nema á Akureyri. — S. N. K. mun láta
sjer ant um, hjer eftir sem hingað til, að verkleg fræðsla
fáist innanlands í þessari grein, og styðja það mál með
ráðum og dáð. — Fjelagsdeildir S. N. K. hafa stundum
styrkt efnilegar stúlkur til garðyrkjunáms og notið fræðslu
þeirra og starfsemi á eftir.
Heimilisiðnaður. S. N. K. hefir þetta ár eins og að
undanförnu hlynt að fræðslu i handavinnu í skólum, og
að námsskeiðum og sýningum. Deildirnar annast það
hver á sínu sviði, áhugi er að vakna um þetta mál á
Sambandssvæðinu, spunavjelum að fjölga og vefnaður og
prjónaskapur stórum að aukast. S; N. K. lætur sjer ant
um, að handavinna komist inn í skólana, og gerir sjer
alt far um að fá stofnsettar góðar útsölur fyrir heimilis-
iðnaðarafurðir.
Heilbrigðismál. Um mentun hjúkrunarkvenna á fjelags-