Hlín - 01.01.1924, Page 72
70
HUn
Þórður Hafliðason skrifar vorið 1924:
Mjer kom til hugar að segja yður, méð fáum línum, frá högum
okkar nú og braski. í vetur höfðum við námsskeið frá 21.—31. jan.
Þar var kent: Trjesmíðar með útskurði og bókband. Kennari Guðrn.
Jónsson frá Mosdal. Þátttakendur voru alls 13, alt piltar. Við hefð-
um gjarnan viljað að það námsskeið hefði verið lengra, en því var
ekki að fagna, Guðmundur er svo bundinn. Aðeins þenna tíma gát-
um við fengið hann, og þorðum ekki að sleppa því tækifæri, fyrst
kostur var á að fá hann. Námsskeiðið fór vel fram, og var þar mjög
fjörugt sem vænta mátti, þar sem þarna voru saman komnir bestu
unglingar sveitarinnar. Námsskeiðið var haldið í samkomuhúsinu á
Arngerðareyri, og hjeldu nemendur flestir þar alveg til, meðan
námsskeiðið stóð. — Þarna var gengið rösklega að verki, því oftar
liðu 18 klst. frá því nemendur fóru á fætur, þar til þeir gengu til
hvíiu. — Kennari var ávalt við allan þenna vökutíma, altaf reiðu-
búinn að hjálpa og leiðbeina. Bæði kennari og nemendur voru al-
veg ákveðnir og samtaka í að nota þenna stutta tíma svo vel sem
verða mætti, og Iögðu því hart á sig. Það var líka undravert, hve
nemendur gátu tileinkað sjer mikið og komið miklu af, en vönduðu
þó, því Mosdal iíður ékki að hroða neinu af. Jeg er viss um, að
nemendur hafa haft gott af þessu námsskeiði, þó stutt væri. — Þeir
lifðu þarna við skrínukost, en hituðu sjer þó kaffi.
Að þessu námsskeiði Ioknu var strax farið að laga til í húsinu,
svo vefnaðarnámsskeiðið, sem nú stendur yfir, gæti byrjað. Það
hófst 4 febr. síðastl. og á að standa 3 mánuði. Kenslukona er
Kristbjörg, sem kendi hjá okkur í fyrra. Alls eru það 9 nemendur,
sem þetta námsskeið sækja til að læra vefnað. Verður sumt af því
fólki ekki nema nokkuð af tímanum. Af þessum nemendum eru 2
piltar. — Ennfremur kennir Kristbjörg á þessu námsskeiði að spinna
á spunavjel, því við fengum 25 þráða spunavjel í vetur. Tveir menn
hafa tekið að sjer að læra á hana, Halldór Jónsson bóndi á Arn-
gerðareyri og jeg. Jeg held að óhætt sje að segja, að það hafi
tekist fremur vel að setja vjelina saman og koma henni af stað,
því að hún virðist vera í góðu lagi og besta verkfæri. Vitanlega
gengur spuninn mjög hægt ennþá, því að bæði eru ménnirnir alveg
óvanir að fara með slíkt verkfæri, og svo eru sumir loparnir ekki
vel fallnir til að spinnast á vjel. — Jeg dvel nú á Arngerðareyri
flesta daga og er með vjelina. Hugmyndin er að spinna á hana
fyrir fólk hjer i kring og fyrir námsskeiðsfólkið. Töluvert hefir bor-
ist að af lopum, Það væri ánægjulegt, ef hægt væri að vefa þarna
eitthvað úr íslenskri ull eingöngu, sem spunnin væri þarna á náms-
skeiðinu. — Kristbjörg er óþreytandi að hvetja nemendur sína og