Hlín - 01.01.1941, Page 26

24
Hlín
þrælasölu. — Árið 1840 var haldinn alheimsfundur í
Lundúnum til að mótmæla þrælasölu allsstaðar í heim-
inum. — Mönnum var boðið á fundinn víðsvegar að. —
Frá Ameríku komu nokkrar konur, er höfðu barist þar
fyrir frelsi þrælanna. Þótti það nýstárlegt mjög, að
konur mættu á slíkum fundum. Urðu miklar deilur
um það, hvort leyfa skyldi konum þessum að vera á
fundinum, og enduðu þær á þann veg, að amerísku kon-
urnar fengu ekki að sitja fundinn. Þetta var 12. júní
1840. — Meðal þessara kvenna voru sjerstaklega 2 kon-
ur, sem jeg vil að ungar íslenskar stúlkur kynnist.
Jeg get ekki sagt æfisögu þeirra á þessum stutta tíma.
En vinkona mín, og vinkona allra íslendinga, Ólafía
Jóhannsdóttir, nefndi þessar konur oft, svo jeg
heyrði, og þótti mikið til þeirra koma. — Önnur hjet
Lucretia Mott. Hún var^fædd 3. jan. 1793 og dó 87 ára
11. nóv. 1880. Hún var gift verksmiðjueiganda og voru
þau hjón bæði af kvekaratrú. — Lucretia var í móður-
ætt skyld Benjamín Franklín, og er sagt, að hún hafi
verið lík honum bæði í andliti, gáfurri og kjarki. —
Hún var trúkona mikil.
Hin konan var Elizabeth Cady Standton. Hún var
fædd 1816. Faðir hennar var lögfræðingur. Er sagt, að
hann hafi látið hana fá besta uppeldi og ganga á
mentastofnanir. Er þess og getið, að hún hafi lært
grísku svo vel, að hún hafi hlotið verðlaun fyrir, þegar
hún var í skóla. — 1840 giftist hún málaflutningsmanni
í New York. — Það er hún, sem hefur samið bókina:
„History of Woman Suffrage“ (Söguna um kvenrjett-
indin). — Frú Lucretia Mott var kona mjög grannvax-
in, gáfuleg og skarpleg. Elizabeth Standton aftur á
móti þrekin og sópar mikið að henni. Þær höfðu ekki
sjest fyr en á Lundúna-fundinum. — Elizabeth var
þá tvítug, en frú Lucretia Mott komin undir fimtugt.
Hún hafði verið á mörgum fundum í Ameríku og hald-