Hlín - 01.01.1941, Qupperneq 131

Hlín
129
móti mjög illa færðar og hroðvirknislega. Klaufaskap-
ur, vankunnátta og hirðuleysi skín svo að segja út úr
hverri línu á allmörgum skýrslum. — Ungmennafjelög
annast starfrækslu margra safna og unglingar skýrslu-
gerð. í þessu felst nokkur afsökun, en jafnframt brýn
þörf úrbóta. Skiftir miklu máli, að unglingar venjist
á vandvirkni á þessu sviði — skýrslugerð og framburði
almennra mála við yfirstjórnendur og ríkisvald. —
Mundi ekki heppilegt að veita verðlaun fyrir góðan
frágang, t. d. bók, þó ekki handa þeim, sem skýrsluna
semur, heldur bókasafni hans.
Það er augljóst að miklu minna er um eiginleg lestr-
arfjelög en margur hyggur, það er að segja fjelög í
þessa orðs venjulegu merkingu, sem hafa bókiestur og
starfrækslu safna að aðalmarkmiði. — Flest söfn munu
rekin af fjelögum, sem hafa annað aðalmarkmið en
bóklestur, t. d. kvenfjelög, verkamannafjelög, bindind-
isfjelög, ungmennafjelög, safnaðarfjelög o. fl. — Ber
hjer langmest á ungmennafjelögunum. Nokkur söfn
eru rekin af hreppsfjelögum.
Húsnæði og bókageymsla: í reglum um færslu
skýrslnanna er spurst fyrir um húsnæði safnanna, eink-
um vegna'vátrygginga. — Sum söfn eru geymd í barna-
skólum, sum í þinghúsum, sum á kirkjuloftum og mörg
á bóndabæjum. — Húsakynni þessi eru vitanlega mis-
jöfn og sjálfsagt fer misvel um bækurnar. — Húsaleiga
og útlánskostnaður allra safnanna nam samtals um
1800 krónum á árinu. Má sennilega kalla það reksturs-
kostnað safnanna. — Húsaleiga, hiti og ljós nam um
900 krónum. — Einn þriðji þessarar upphæðar eyðist
handa einu safni ,svo að öll hin söfnin, 175 talsins, eyða
ekki nema 600 krónum í húsnæði, ljós og hita. — Ann-
ar kostnaður við útlánin, þ. e. bókavarsla, ritföng, ræst-
ing o. fl. var tæpar 900 krónur.
Tala þessar tölur skýru máli um vinsældú' safnanna
9