Búnaðarrit - 01.01.1981, Page 48
32
BÚNAÐ ARRIT
ánægjulegt aö svo skyldi reynast á ári trésins, þegar allir
landsmenn voru hvattir til gróðursetningar. Árgæskan
endurspeglaðist bæði í vexti og uppskeru flestra matjurta-
tegunda. Kom á daginn að uppskera reyndist með því mesta,
sem þekkst hefur um árabil. Sú varð ekki aðeins raunin hjá
þeim, sem hafa garðræktarframleiðslu að meginstarfi, held-
ur var hún einnig með ágætum hjá flestum, sem fást við
garðrækt í frístundum.
Greinilegt er, að það er að verða töluverð hugarfars-
breyting hjá mörgum landsmönnum hvað við kemur ræktun
matjurta. Áhuginn er að aukast. Vafalaust á hvatning til
aukinnar neyslu grænmetis stóran þátt í þessu. Gott vor vakti
áhuga margra og brennandi löngun til að ástunda ræktun.
Þeim sem tókst að verða sér úti um landskika og setja
eitthvað niður, uppskáru ríkuleg laun að þessu sinni. Gilti
nær einu hvaða matjurtategundir áttu í hlut, allt spratt, sem
naut góðrar umhirðu. Nákvæmar tölur um framleiðslu
matjurta eru ekki tiltækar, en við hina árlegu könnun, sem
yfirmatsmaður kartaflna lætur gera eftir uppskerulok, var
áætlað í haust, að kartöflur, sem vænta mætti á markað frá
framleiðendum, næmu um 115.000 tunnum. Til viðbótar
þessu kemur sú uppskera, sem heimilisræktunin skilaði af
sér ásamt fráteknu útsæði. Þannig er ætlað að öll kartöflu-
uppskera hafi numið samtals 175.000 tunnum, sem trúlega
er eitt það mesta, sem um getur. Um gulrófur er ekkert vitað,
sem festandi er á blað. Það hefur löngum verið svo, að ýmsir
ræktendur selja framleiðslu sína milliliðalaust til verslana.
Eins þekkist það ennþá, að neytendur kaupi sér poka beint
frá framleiðanda. Víst er, að þar sem um gulrófnaræktun var
hirt, voru uppskeruhorfur víða ágætar á áliðnu sumri, en
töluverðar líkur eru þó til, að haustfrost hafi valdið skemm-
dum hjá ýmsum, sem voru seint á ferð með upptöku. Kann
því uppskera að hafa reynst lakari en á horfði. Auk þess má
búast við einhverri rýrnun í geymslum, þar sem haustfrost
náðu að gera usla. Af öðrum aðalmatjurtum er það að segja,