Búnaðarrit - 01.01.1981, Page 57
SKÝRSLUR starfsmanna
41
Hins vegar er jafn fjarstæðukennt að vera að eyða fé í að
lýsa plöntur á vaxtarstað í svartasta skammdegi, nema eitt-
hvað alveg sérstakt komi til, s. s. lýsing móðurplantna ein-
stakra tegunda, til að fá nothæfa græðlinga, þegar það er
ekki hægt með venjulegum hætti. Allt annað er óraunhæft,
og þegar best lætur borgar uppskera rafmagnskostnað.
Heildaruppskera tómata mun hafa verið u. þ. b. 580 tonn
(S. F. G. 419 tonn).
Omögulegt er að fá alveg nákvæmar tölur sökum heima-
sölu, torgsölu og söluaðila, sem selja beint á einn eða annan
hátt, en ætla má að hér skeiki ekki miklu.
Fyrstu tómatar komu á markað í miðjum apríl, en upp-
skera entist alveg frarn í desember. Var framboð á tómötum
óvenjulega mikið og verð stundum mjög lágt og ekki ótítt að
vissir aðilar seldu undir heildsöluverði. Magn eftir mánuðum
var eftirfarandi: Apríl 1.072 kg, maí 38.543 kg, júní 77.950
kg, júlí 94.232 kg, ágúst 75.791 kg, september 69.600 kg,
október 43.212 kg, nóvember 16.903 kg, desember 1.533
kg. Tölur einstakra mánaða eru frá S. F. G. Magn er óvenju
jafnt á uppskeruskeiði og haustframleiðsla með mesta móti.
Afföll voru talsverð og fjárhagsútkoma á tómatarækt
fremur tæp, nema þar sem kom til góð uppskera snemma
meðan verð var hátt og svo góð heildaruppskera. Það er
ljóst, að þetta magn tómata er hið mesta, sem framleitt hefir
verið hingað lil í gróðurhúsum hér á landi á einu ári, og
svarar það til u. þ. b. 2,5 kg á rnann á ári.
Þá hefir aldrei borist inn jafnmikið magn í einum mánuði
og í júlí 1980. Orsök þess er í og með sú, aö talsvert var af
nýjum gróðurhúsum, sem ekki komust í gagnið fyrr en frem-
ur seint, og lenti fyrsta uppskera úr þeim alveg á toppnum.
Meðalheildsöluverð yfir allan uppskerutímann mun hafa
numið u. þ. b. 1.100,- g.kr. Lægsta skráð heildsöluverð var
1.000,- g.kr. fyrir I. fl. og 700.- g.kr. fyrir II. flokk.
Fyrstu gúrkur komu á markað í miðjum mars og entist
uppskeran fram í nóvember. Magn var nokkuð minna en á