Búnaðarrit - 01.01.1981, Page 59
SKÝRSLUR STARFSMANNA
43
ekki nógsamlega brýnt fyrir mönnum, sem fást viö útirækt,
aö hafa tiltækar góðar geymslur fyrir uppskeru, til að forða
slíkum skakkaföllum.
Heildaruppskera útiræktaðs grænmetis var með mesta
móti, en verð varð einnig lágt á köflum. Þannig fór heild-
söluverð á hvítkáli niður í 300 g.kr. og á rófum í 200 g.kr.
hvert kg. Blómkál fór í 1.200 g.kr. fyrir I. fl. og II. fl. í 600
g.kr. Heildsöluverð á hvítkáli og rófum varð þannig verulega
lægra en árið áður, þrátt fyrir u. þ. b. 50% verðbólgu milli
áranna 1979 og 1980. Petta segir einnig sína sögu um
afkomu útiræktar á liðnu sumri.
Talsvert var gert af því að draga pípur í jarðveg og hita
hann síðan með heitu vatni. Eru pípur venjulega felldar í ca.
60—70 crn dýpi og bil milli þeirra u. þ. b. 1—2 m. Á þennan
hátt er hægt að stjórna jarðvegshita að verulegu leyti og flýta
fyrir og auka uppskeru og jafnframt að ná árangri í ræktun
tegunda, sem ella er þýðingarlítið að reyna, s. s. blaðlauks og
sellerí.
Innflutningur grænmetis og aldina, s. s. tómata, gúrkna og
papriku, er á vegum Sölufélags garðyrkjumanna og Græn-
metisverslunar landbúnaðarins, þannig að grófara græn-
meti, þ. e. hvítkál, rauðkál, laukur o. fl., er llutt inn á vegum
Grænmetisverslunarinnar, en gúrkur, tómatar, sveppir,
blómkál, paprika og annar viðkvæniur varningur hefur verið
á vegum Sölufélags garðyrkjumanna, og hefir þannig verið
brúað bil, svo að helstu tegundir grænmetis og aldina hafa
verið á boðstólum allt árið. Blómasala á árinu mátti heita
viðunandi, en þó urðu veruleg afföll á vissum tímabilum eins
og vænta má. Haustið var óvenjulega bjart og var verulegt
framboð fram eftir hausti og blómagæði með besta móti.
Erfitt er að áætla heildarsöluverðmæti blóma af öryggi,
vegna þess að talsvert er um smáframleiðendur, sem selja
beint, og meiri háttar heildsala er á fleiri höndum. Þó mun
ekki fjarri lagi að áætla verðmæti þeirra rúmar 1100 mill-
jónir króna.