Búnaðarrit - 01.01.1981, Page 70
54
BÚN AÐARRIT
I. Afkvœmarannsóknir í Laugardœlum. Áárinu 1980 lauk
afkvæmaprófun á síöasta árganginum af kvígum, sem aidar
hafa verið upp þar í þessu skyni. í hópnum voru 25 kvígur
undan 3 nautum: Stöpli 74014, Bróður 75001 og Eini
75003. Báru þær allar fyrir árslok 1979 nema ein, sem bar í
janúar 1980. Einsogáðurvarmjólkurskeiðiðmiðaðvið301
dag eftir burð. Eftirfarandi umsögn er byggð á skýrslu
Steinþórs Runólfssonar, ráðunautar, um rannsóknir þessar.
Dætur Stöpuls 74014, Freyssonar frá Haukholtum, 8
talsins, voru að meðaltali 29,3 mánaða, er þær báru, og
komust í 14,6 kg hæsta dagsnyt. Afurðír þeirra yfir mjólk-
urskeiðið voru að meðaltali 2866 kg með 4,12% mjólk-
urfitu, sem svarar til 118 kg mjólkurfitu. Reiknað í 4%
mælimjólk svara þessar afurðir til 2916 kg. Þessar systur eru
rauðar eða rauðskjöldóttar eða síðóttar og hvíti liturinn
stundum nokkuð áberandi. Yfirlína er allgóð, malir sæmi-
legar, en breitt milli mjaðmahorna. Bolrými er gott og
fótstaða þokkaleg. Júgur eru vel borin og á mörkum að vera
hnatt- eða mánalaga, og vottar fyrir skiptingu milli júgur-
hluta. Spenar eru hæfilega langir, sívalir, en of odddregnir. Á
sumum kvígum voru þeir of gleitt settir og útstæðir. Mjöltun
var í meðallagi. Kvígurnar þrifust vel, en virtust ekki hafa
mikla eiginleika til holdasöfnunar. Brjóstmál, tekið í nóv-
ember 1980, var 176 cm að meðaltali.
Ðæivtr Bróður 75001, Vogssonar frá Brúnastöðum, voru
8 í rannsókninni. Pær báru að meóaltali 28,7 mánaða gamlar
og komust í 17,5 kg hæsta dagsnyt. Voru afurðir þeirra á
mjólkurskeiðinu að meðaltali 3358 kg með 4,41% mjólk-
urfitu, þ. e. 148 kg mjólkurfitu, en reiknað í 4% mælimjólk
námu þær 3566 kg. Þessar dætur Bróður eru flestar einlitar.
Virðist bröndótt og rautt algengari litir en svart og krossótt,
þótt því bregði fyrir. Kvígurnar í þessum hópi voru fremur
stórar og þéttholda, rýmisgóðar og nokkuð sterklegar, þótt
bak væri aðeins niðursveigt og krossbeinskambur fullhár.