Búnaðarrit - 01.01.1981, Page 71
SKÝRSLUR STARFSM ANNA
55
Fótstaða er nokkuð góð, þótt of nánir hæklar sjáist. Júgur
eru vel borin, oftast mánalaga, en nokkur skipting milli
júgurhluta og spenar fulllangir. Þær eru góðar í mjöltun.
Brjóstmál, mælt í nóvember 1980, var að meðaltali 179 cm.
Dætur Einis 75003, Blikasonar frá Austurkoti, voru 9
meginhluta mjólkurskeiðsins, en einni var þá fargað vegna
júgurbólgu. Eru afurðir hennar reiknaðar í meðaltali þann
tíma, sem hún var í rannsókninni. Kvígurnar í þessum hópi
voru að meðaltali 27,6 mánaða gamlar, er þær báru, og
komust í 15,1 kg hæsta dagsnyt. Afurðir Einisdætra yfir
mjólkurskeiðið voru að meðaltali 2935 kg, mjólkurfita
4,33% og kg mjólkurfitu 127. Reiknaðí4% mælimjólk voru
afurðirnar 3081 kg. Flestar kvígurnar í þessum hópi voru
einlitar, rauðar eða bröndóttar. Þær eru fremur fíngerðar
nteð beina yfirlínu, allgóðar malir og fótstöðu og þokkalegt
bolrými. Júgur er vel borið, hnattlaga og jafnvægi milli júg-
urhluta. Flestar eru með vel gerða spena. Gott var að
mjólka þær allar. Brjóstmál var tekið í nóvember 1980 og
reyndist vera 174 cm að meðaltali.
Urn frjósemi kvígnanna segir Steinþór svo: ,,Ekki verður
annað séð en frjósemi þessara hópa hafi verið jöfn og eðii-
leg. Kvígurnar bera mjög nálægt þeim tíma, sem að var
stefnt, og aldursfrávik frá meðaltali við burð innan hvers hóps
var fremur lítið. Elzta kvígan, og aðeins ein, átti 31 mánuð
að baki“. Lokssegir Steinþór um afurðasemi þessara þriggja
systrahópa: „Miðað við þetta fyrsta mjólkurskeið virðist
enginn hópurinn undir meðallagi, og afurðir dætra Bróður
75001 nálgast það bezta, sem sambærilegir hópar hal'a skilað
í afkvæmaprófunum í Laugardælum".
II. Afkvœmarannsóknir, byggðar á skýrsluhaldi naut-
grijmræktarfélaga og dómi um byggingu kvígna við skuðun.
A árinu hlutu endanlegan afkvæntadóm 6 naut, sem höfðu
ekki verið afkvæmaprófuð á stöð. Voru þau fædd árin 1972
og 1973 og eru þessi: