Búnaðarrit - 01.01.1981, Page 73
SKÝRSLUR STARFSM ANNA
57
Kynbótanefnd. Sú breyting varð á skipan í kynbótanefnd,
að skipt var um einn héraðsráðunaut í henni á síðasta Bún-
aðarþingi. Steinþór Runólfsson, sem gerzt hafði ráðunautur
í nautgriparækt hjá Búnaðarsambandi Suðurlands, kom í
nefndina í stað Einars Þorsteinssonar, sem sat aðeins fyrsta
fund hennar, 11. febrúar. Fyrsti fundur er haldinn eins
snemma árs og við verður komiö, eftir að ársuppgjör
skýrslna hefur farið fram og kynbótaeinkunnir nauta liggja
fyrir. Þá er lagður dómur á þau naut, sem nóg reynsla er
komin á, nautsfeður valdir og ákveðið, hvaða naut önnur
skulu vera notuð til sæðinga, en það er viðurkenning á því,
að þau séu hæf til undaneldis. Næst kom nefndin saman 21.
maí. Valdi hún þá 8 úr 10 elztu nautkálfunum í Þorleifskoti,
og voru þeir skömmu síðar fluttir á Nautastöð félagsins á
Hvanneyri, en hinir 2 voru felldir. Á þriðja fundi, sem hald-
inn var í Þorleifskoti 8. sept., voru valdir úr 7 ársgömlum
kálfum 5 til flutnings á Nautastöðina, en 2 var ákveðið að
fella ásamt 4 yngri, sem þá þegar þótti einsýnt, að yrðu ekki
notaðir. Fjórði fundur var haldinn 19. nóv. Fundargerðir
nefndarinnar eru sendar héraðsráðunautum og starfandi
frjótæknum jafnóðum, svo að þeir geti fylgzt með gjörðum
hennar og framvindu mála. Um uppeldisstöðina vísast til
starfsskýrslna Erlendar Jóhannssonar og Jóns Gíslasonar.
Vélskýrsluhaldið. Um uppgjör skýrslna og framvindu
mála á þessu sviði vísast til skýrslu Jóns Viðars Jónmunds-
sonar. Hillir nú undir það, sem beðið hefur verið eftir all-
lengi, að hægt verði að nýta þessa tækni á fleiri sviðum
nautgriparæktarinnar en orðið hefur til þessa.
Holdanautabúið á Hvanneyri. Á árslok 1979 voru á búinu
43 gripir. Af þeim voru 20 holdakýr, 2 fengnar kvígur á 3.
ári, 4 árinu yngri og ósæddar, 16 kálfar og eitt naut á 5. ári,
sem fellt veröur bráðlega ásamt 4 kúm, kálflausum og göll-
uðum að öðru leyti. Nær helmingur af kúnum var sæddur
með nautasæði úr Hrísey eftir samstillingu gangmáls, en fáar