Búnaðarrit - 01.01.1981, Page 133
SKÝRSLUR STARFSMANNA
117
lagasmiðir ætluðust til. Orsakir eru meðal annars þær
breytingar, sem urðu í nreðferð Alþingis oftar en einu sinni.
Tilraunir til einföldunar á framtölum runnu því út í sandinn,
og reyndar það rækilega, að mörgunr óx það í augum að skila
framtali sínu án aðstoðar. Þeir, sem stunda sjálfstæðan
atvinnurekstur í smáum stíl, urðu verst úti og telja má bænd-
ur í þeim flokki. Þegar kom að sauðburði voru framtals-
eyðublöð loks komin til bænda. Mörgum bóndanum óx það í
augum, að fylla út öll þau eyðublöð, sem krafist var. En þau
kölluðust: Rl, R2, R3, R4, landbúnaðarframtal, persónu-
franrtal, barnaframtal, aðstöðugjaldsframtal og fleiri
eyðublöð.
í þeim tilgangi, að auðvelda bændum að gera framtal sitt,
skrifaði ég grein í Frey um endurmat eigna (Rl), fyrningar-
skýrslu (R2), verðbreytingarfærslu (R3) og fleira. Með lestri
þessarar greinar og aðstoð frá skattstofunum og umboðs-
mönnum þeirra, gátu margir bændur skilað framtölum sín-
um sjálfir. Vegna anna voru hins vegar margir, sem ekki
höfðu tíma til að kynna sér þessi mál og leituðu aðstoðar.
Að ýmsu leyti eru skattalögin stefnumarkandi og þá fyrst
og fremst hvað við kemur fjárfestingarmálum. Eignir voru
nú endurmetnar og fyrningar leyfðar af endurmati, en
vaxtagreiðslur í reynd felldar niður sem frádráttarliður.
Framkvæmdin er á þann veg, að af stöðu skulda í byrjun árs
er reiknuð tekjufærsla, sem nemur 45,51% af öllum
skuldum, er tilheyra búinu. Á móti þessari tekjufærslu koma
vaxtagreiðslur, áfallnar verðtryggingar og gengistöp, en
nemi þær lægri upphæð en tekjufærslan, reiknast mismunur-
inn sem tekjur eða verðbólgugróði. Þeir, sem eru með
óverðtryggð lán og/eða lán með lægri vöxtum en 45,5%, fá
þannig reiknaðar tekjur. Lán úr Bjargráðasjóði, svo tekið sé
dæmi, eru þannig reiknuð sem tekjur, sem nemur verðbólg-
ustigi (45,5%) að frádregnum vöxtum, sem eru lágir og lánin
óverðtryggð.
Vaxtagreiðslur eru því í reynd felldar niður sem frádrátt-