Búnaðarrit - 01.01.1981, Page 157
SKÝRSLUR STARFSMANNA
141
Karl Bendtsen frá Sletten, vistaður að ríkisbúinu Hesti.
Carl Simonsen frá Frederiksdal, vistaður að Garðsvík á
Svalbarðsströnd, en þegar bóndi þar dó, var Carl ráðinn að
Torfufelli í Eyjafirði.
Abia Elíassen frá Frederiksdal, vistaður að Miðdal í Kjós, en
sú vist stóð aðeins til áramóta, þá fór hann heim.
Nemendur þeir, sem hér hafa dvalið að undanförnu, eru
allir horfnir heim og sumir þeirra þegar orðnir bændur þar.
Þriggja ára verklegt nám, skipulagsbundið, skapar forgang
til þess að öðlast lán og aðra fyrirgreiðslu, til þess að gerast
sjálfstæður bóndi í Grænlandi, sér í lagi við stofnun nýbýla
eða/og við endurbyggingu jarða, er fallið hafa úr byggð.
Þá má einnig geta þess, að ég var til kvaddur að mæta á
fundum, er hér voru haldnir, þegar grænlenska landsstjórnin
kom hingað í október, m. a. til að ræða framtíðarsamskipti
þjóðanna báðum megin við sundið.
4. önnur störf.
í framhaldi af fyrri gerðum á ýmsum sviðum, er beint eða
óbeint hafa verið í minum verkahring, slitna tengslin ekki að
fullu þótt hlutverkum fækki. Skal í því sambandi geta
verkefna, er að höndum hafa borist.
A. Endurskoðun lánamála. Samkvæmt frásögn í starfs-
skýrslu minni í fyrra reiknaði ég, samkvæmt forskrift Bjarg-
ráðasjóðs, lánsfjárupphæðir, sem fyrirhugað var að veita
bændum á misærissvæðinu árið 1979. Eftir að lánveitingar
höfðu farið fram komu nokkrar athugasemdir til sjóðsins og
beiðnir um nánari athuganir, þar sem vissum aðilum hafði
sýnst misrétti beitt við fyrirgreiðslu.
Það er ekki mikið verk, sem umrædd endurskoðun hefur
krafist og yfirleitt hafa athugasemdirnar unr líklegt misrétti
ekki staðist, ýmsir aðilar hafa ekki þekkt forsendurnar, sem
til grundvallar lágu, en lán voru ekki veitt öðrum en þeim,
sem afföll höfðu meiri en 20%. Þar sem þau voru minni bar