Búnaðarrit - 01.01.1981, Page 215
BÚN AÐARÞING
199
búgreinar tekur í framtíðinni, og leggur á það ríka áherslu,
að hún verði felld í þann farveg að vera fyrst og fremst
aukabúgrein á sveitabýlum, er tryggi afkomu og styrki bú-
setu í dreifbýli vegna samdráttar eða vaxtarstöðvunar í
hefðbundnum búgreinum.
Búnaðarþing felur stjórn Búnaðarfélags íslands að skipa
nefnd, er vinni að því að gera tillögur til stjórnvalda um
samræmda tilhögun þeirra þátta, er ráða munu þróun loð-
dýrabúskaparins, og bjóða Stéttarsambandi bænda aðild að
nefndinni.
Greinargerð búfjárrœktarnefndar:
Búfjárræktarnefnd hefur fjallað um erindi stjórnar Búnað-
arfélags íslands um loðdýrarækt, þskj. 11, og erindi Egils
Bjarnasonar og Gunnars Oddsonar um sama efni á þskj. 21.
Nefndin er þeirrar skoðunar, eins og ályktunin ber með sér,
að brýn þörf sé að sinna því máli, sem erindin fjalla um, og nú
sé tímabært, og megi raunar ekki lengi dragast, að taka
ákveðna stefnu í uppbyggingu þessarar búgreinar, ekki síst
refaræktarinnar. Nefndin er eindregið þeirrar skoðunar, að
hér eigi fyrst og fremst að leitast við að skapa hjálparbúgrein
fyrir sveitirnar, enda hefur þetta mál mjög verið tengt um-
ræðunni um samdrátt eða stöðnun vaxtar hefðbundinna bú-
greina undanfarið, og víst, að sumir bændur þykjast eygja
þar tækifæri til að bæta sér tekjuskerðingu.
1 þessu skyni telur nefndin að beita eigi þeim áhrifaþátt-
um, sem stjórnvöld ráða, svo sem ráðstöfun stofnlána, leyf-
isveitingum o. s. frv. Jafnframt þarf með aðstoð af opinberri
hálfu að greiða fyrir þeim verkefnum við þessa búgrein, sem
a. m. k. sums staðar mun þurfa að leysa félagslega, svo sem
fóðuröflun, verkun og sölu afurða o. s. frv.
í þessu sambandi er þörf endurskoðunar laga og reglna, er
á einn eða annan hátt snerta þessa búgrein, bæði til að fella
þau að ofangreindum markmiðum og sníða af vankanta, sem
reynslan hefur þegar bent mönnum á. Þá er og mikilvægt að