Búnaðarrit - 01.01.1981, Page 228
212
BÚNAÐARRIT
1. Þegar vegir eöa línur eru lagðar um ræktað land, skal þess
ávallt gætt að skerða ræktunina sem minnst og að verkið
valdi eigi öðrum óþægindum við notkun landsins en
þeim, er ekki verður hjá komist, og skal þá ávallt leita
álits héraðsráðunautar þar um.
2. Vega- og línustæði um ræktanlegt land séu valin þannig
og þess gætt við lagningu, að það torveldi sem minnst
framræslu landsins og notkun til ræktunar. Að öðru jöfnu
skal þess ávallt gætt, að skurðir með vegum geti komið að
sem bestum notum við þurrkun landsins. Skal, þar sem
svo stendur á, undirbúningi verksins hagað í samráði við
ráðunaut Búnaðarfélags íslands eða héraðsráðunaut.
Þegar raflínur, símalínur eða vatnsveitur eru lagðar í
jörð á ræktuðu eða ræktanlegu landi, skal iínueigandi
hafa samráð við ræktunarráðunaut og umráðamann
lands um það, hvar línan er lögð, svo að staðsetning
hennar geti verið sem haganlegust. Þegar línan hefur
verið lögð, skal eigandi hennar láta merkja legu hennar
ofan jarðar og afhenda oddvita eða sveitarstjóra upp-
drátt af línustæðinu og upplýsingar um, h vernig það hefur
verið merkt. Uppdrátturinn skal vera í tveimur eintök-
um, og heldur oddviti eða sveitarstjóri öðru, en afhendir
umráðamanni lands hitt eintakið. Hafi þetta ekki verið
gert, er eigi skylt að bæta línueiganda tjón, er verða kann
á línu vegna ræktunarframkvæmda síðar. Þegar ræktun-
arframkvæmdir standa fyrir dyrum í landi, þar sem raf-
línur eða símalínur liggja í jörð, skal umráðamaður lands
snúa sér til ræktunarráðunautar, sem athugi á kortinu
afstöðu til línanna, hvort hætta sé á, að ræktunarfram-
kvæmdir kunni að koma of nærri línum og skemma þær,
og ef svo er, skal hann tilkynna það línueiganda strax og
framkvæmd er áætluð. Skal línueigandi þá senda fulltrúa
til að athuga alla aðstöðu á staðnum, eins fljótt og unnt
er, og hafa samráð við ræktunarráðnaut og umráðamann
lands um ráðstafanir til þess að komast hjá tjóni á línunni.