Búnaðarrit - 01.01.1981, Page 301
HRÚTASÝNINGAR 1980
285
sést af töflu 1 voru 2ja vetra hrútar og eldri 9 fleiri en 1976
og voru þeir 68,2% allra sýndra hrúta á móti 60,3% 1976.
Veturgamlir hrútar voru aðeins 625 nú á móti 876 síðast eða
31,8% á móti 39,7% af fjölda sýndra hrúta 1976 og 1980.
Þessum litla fjölda veturgamalla hrúta veldur væntanlega
hið slæma sumar 1979, og lítill ásetningur það haust. Því má
ætla, að raunverulega hafi sýningar verið álíka vel sóttar
1980 eins og 1976. Af töflu 1 sést, að af 2ja vetra hrútum og
eldri fara 63,1% í I. verðlaun 1980 en 60,0% 1976
Tafla 1. Fjöldi og hlutfall sýndra hrúta 1976 og 1980
2ja vetra og eldri Veturgamlir
Ár Fjöldi alls Fjöldi % I. vl. % Fjöldi % I. vl. %
1976 ........... 2208 1332 60,3 60,0 876 39,7 27,2
1980 ........... 1966 1341 68,2 63,1 625 31,8 32,5
Af veturgömlum hrútum fara 1980 32,5% í I. verðlaun, en
1976 fóru 27,2% þeirra í þann verðlaunaflokk. Flokkun
hrútanna er því betri nú en 1976, sjá aftast í töflu 2. Full-
orðnu hrútarnir voru nú að jafnaði 2,2 kg þyngri en 1976.
Þyngstir voru þeir í Strandasýslu, 99,5 kg til jafnaðar, en
léttastir í Vestur-Barðastrandarsýslu, 93,5 kg. Veturgömlu
hrútarnir voru einnig þyngstir í Strandasýslu, 83,1 kg. Hrút-
ar í Strandasýslu fóru hlutfallslega flestir í 1. verðlaun eða
73,5% 2ja vetra og eldri hrúta og 50,8 % veturgamalla
hrúta. Um samanburð á þunga og fjölda í einstökum sýslum
og í heild er vísað til töflu 2.
Strandasýsla
Hrútasýningar voru haldnar í Strandasýslu 5.—11. október.
Þessa daga var nokkuð hörð norðan átt og gekk á með
snjóéljum og var suma dagana mjög slæmt ferðaveður. Varð
það til þess, að sýningar-þátttaka var lítil í sumum sveitum,
en þó einkum í Óspakseyrar- og Fellshreppum.