Búnaðarrit - 01.01.1981, Page 388
372
BÚNAÐARRIT
sauðfjársæðingar meira almennt hjá bændum. Lítill munur
var á hrútum milli hreppa og eru þeir yfirleitt jafnvaxnir og
fremur þéttbyggðir, þó aðeins vilji skjóta upp kollinum einn
og einn gisvaxinn hálappi í hverjum hreppi.
Saurbæjarhreppur: Þar voru sýndir 83 hrútar, 49 fullorðnir,
sem vógu 99,6 kg og 34 veturgamlir, er vógu 85,9 kg að
meðaltali. Fullorðnu hrútarnir voru nú 0,8 kg þyngri og þeir
veturgömlu 6,8 kg þyngri en jafnaldrar þeirra 1976. Fyrstu
verðlaun hlutu 45 hrútar eða 54,2%, en 33% fyrir fjórum
árum. Á héraðssýninguna voru valdir eftirtaldir hrútar:
Ljúfur og 79005 Sigurðar í Innri-Fagradal, en Ljúfur er
ágætlega jafnbyggð og holdgóð kind, og Stubbur og Frosti
Benedikts í Stórholti. Þeir Stubbur og Frosti eru báðir afar
lágfættir og ræktarlegir hrútar.
Skarðshreppur: Þar voru sýndir 40 hrútar, 29 tveggja vetra
og eldri og 11 veturgamlir. Fullorðnu hrútarnir vógu nú 95,6
kg að meðaltali, en þeir veturgömlu 76,4 kg til jafnaðar.
Báðir aldursflokkar voru því nokkru þyngri en jafnaldrar
þeirra fyrir fjórum árum eða 1,4 kg þeir fullorðnu og 8,9 kg
þeir veturgömlu. Fyrstu verðlaun hlutu 18 hrútar fullorðnir
og 3 veturgamlir eða 52,5%, en 26,3% 1976. Veruleg
framför hefur því orðið á hrútavalinu í hreppnum. Á hér-
aðssýninguna voru valdir eftirtaldir hrútar: Prúður Trausta
Bjarnasonar á Á, en Prúður var dæmdur 3. stigahæsti
hrúturinn á héraðssýningunni með 83,5 stig, og Gæfur og
Gosi Svavars Magnússonar í Búðardal, en þeir hlutu I.
verðlaun A og B á sömu sýningunni.
Klofningshreppur: Þar voru aðeins sýndir 9 hrútar, 8 full-
orðnir og 1 veturgamall. Fjórir hrútar hlutu I. verðlaun og
var einn þeirra sendur á héraðssýninguna, Óli Jó Sveins
Þorsteinssonar á Hnúki, en hann hlaut þar 80 stig og I.
heiðursverðlaun.