Búnaðarrit - 01.01.1981, Page 389
HRÚTASÝNINGAR 1980
373
Fellsstrandarhreppur: Þar voru sýndir 48 hrútar, 36 full-
orðnir, sem vógu 97,3 kg að meðaltali og 12 veturgamlir, er
voru 79,1 kg til jafnaðar. Báðir aldursflokkar voru því
þyngri en jafnaldrar þeirra fyrir fjórum árum, þeir fullorðnu
3,9 kg og þeir veturgömlu 8,5 kg. Fyrstu verðlaun hlutu 23
hrútar tveggja vetra og eldri og 5 veturgamlir eða 58,3%, en
50% 1976. Margir ágætis einstaklingar komu á sýninguna og
voru fjórir þeirra bestu valdir á héraðssýninguna. Þeir voru:
Valur Smárason Guðmundar í Skógum, Jaki Rúnars á Val-
þúfu, og veturgömlu hrútarnir Smári Sigurðar á Grund og
Fífill Halldórs á Breiðabólsstað. Þeir Valur, Jaki og Smári
hlutu allir I. heiðursverðlaun og var Valur í 2. sæti með 84,0
stig, en Fífill hlaut I. verðlaun A.
Hvammshreppur: Sýndir voru alls 34 hrútar, 21 tveggja
vetra og eldri og 13 veturgamlir. Fullorðnu hrútarnir vógu
97.4 kg að meðaltali, en þeir veturgömlu 85,8 kg til jafnaðar.
Eldri hrútarnir voru því 1,5 kg léttari en jafnaldrar þeirra
fyrir fjórum árum, en þeir veturgömlu voru 9,8 kg þyngri.
Fyrstu verðlaun hlutu nú 15 hrútar fullorðnir og 7 vetur-
gamlir eða 64,7%, en 31,7% 1976. Nokkrir ágætir ein-
staklingar komu á sýninguna og úr þeim valdir fjórir eftir-
taldir hrútar til þátttöku á héraðssýninguna: Prúður og
Spakur Magnúsar Sigurbjörnssonar, Glerárskógum, Bangsi
Guðbjörns Guðmundssonar í Magnúsarskógum og Bjartur
Ástvalds á Hofakri. Þeir Prúður, Bangsi og Bjartur hlutu
allir I. verðlaun A á héraðssýningunni, en Spakur 1. verðlaun
B.
Laxárdalshreppur: Þar voru sýndir alls 124 hrútar, 78
tveggja vetra og eldri og 46 veturgamlir. Þeir fullorðnu vógu
94.5 kg að meðaltali og voru léttastir sinna jafnaldra í sýsl-
unni, en þeir veturgömlu vógu 76,7 kg til jafnaðar og voru
næst léttastir í héraðinu. Eldri hrútarnir voru 0,2 kg þyngri
og þeir yngri 4,6 kg þyngri að meðaltali en jafngamlir hrútar