Búnaðarrit - 01.01.1981, Page 392
376
BÚNAÐARRIT
1979. Fullorðnu hrútarnir vógu að meðaltali 96,0 kg, sem er
3,8 kg meira en 1976. Veturgömlu hrútarnir vógu að með-
altali 81,6 kg, sem er 8,5 kg meira en 1976. Hrútarnir eru
nægilega þungir, en margir af ungu hrútunum þyrftu að vera
holdmeiri. Alls hlutu 206 hrútar I. verðlaun eða 46,2%, sem
er mun lakari flokkun en 1976, en þá hlutu 57% hrútanna I.
verðlaun. Lakast flokkuðust hrútar í Helgafellssveit og
Staðarsveit, en þar náðu I. verðlauna hrútar ekki 30% af
sýndum hrútum, enda eru hrútar þar háfættastir í sýslunni og
má glöggt sjá á meðfylgjandi töflu um breytingar á fótahæð
I. verðlauna hrúta á 8 ára tímabili, að minnstar hafa fram-
farir orðið í þessum tveimur sveitum í að þétta byggingarlag
hrútanna og þar með að auka gæði falla sláturlamba, en að
öðru jöfnu vaxa gæði fallanna í beinu hlutfalli við fótalengd
og vöðvaþykkt hrútanna.
I. verðlauna hrútarnir eru núna um 5—7 kg þyngri að með-
altali en hin tvö sýningarárin, sem vitað er til, þrátt fyrir
verulega fótalækkun, eins og sjá má á þessu yfirliti. Þar má
glöggt sjá, að á þessu 8 ára tímabili hafa 1. verðlauna hrút-
arnir stórbatnað, þó þeim hafi f jölgað í prósentuvís, enda eru
margir af I. verðlauna hrútunum á Snæfellsnesi mjög vel
gerðar kindur og minnkandi fjöldi grófra hrúta kemur þar
fram, en samkvæmt skrifum Árna G. Péturssonar um
hrútasýningarnar fyrir 8 árum er áberandi mikill grófleiki í
hrútastofninum á Snæfellsnesi. Þessar framfarir eru fyrst og
fremst því að þakka, að ráðunautur héraðsins, Leifur Jó-
hannesson, hefur tekið upp í sínum starfsháttum að aðstoða
bændur við lambhrútavalið á haustin og um leið hefur fjöldi
áhugasamra bænda lært, hvernig ber að velja lambhrúta. Ég
spái því, að þessi sterki áhugamannahópur, sem myndast
hefur um sauðfjárrækt á Snæfellsnesi, eigi eftir að hafa niikil
áhrif til framfara á næstu árum.