Búnaðarrit - 01.01.1981, Page 394
378
BÚNAÐARRIT
Skógarstrandarhreppur: Vegna garnaveiki í hluta
hreppsins voru haldnar tvær hrútasýningar í hreppnum, á
Klungurbrekku og Keisbakka. Alls mætti á sýningunum 51
hrútur, 29 fullorðnir, sem vógu að meðaltali 96,0 kg eða
sama og meðaltalið í sýslunni, og 22 veturgamlir, sem vógu
76,5 kg að meðaltali eða 5,1 kg minna en aðrir veturgamlir
hrútar í sýslunni að meðaltali. Fyrstu verðlaun hlutu 20
hrútar eða 39,2%, sem er fjórði lakasti árangurinn í sýsl-
unni. Skógstrendingar hafa dregist aftur úr í fjárræktinni, og
þurfa þeir að auka sæðingar hjá sér til að bæta fjárstofninn
og vanda lambhrútavalið í framtíðinni.
Af sýningunni á Keisbakka fékk enginn hrútur að fara á
héraðssýningu vegna garnaveikinnar, en þar voru bestir af
eldri hrútunum þeir Gustur og Mjaldur á Emmubergi, en
Mjaldur er keyptur frá Litla-Langadal.
Af veturgömlu hrútunum var dæmdur bestur Soldán á
Vörðufelli og í öðru sæti lenti albróðir hans Fursti. Þeir eru
sonarsynir Soldáns 70871 frá Hesti og eru samanreknir
holdahnyklar.
Klettur Þorleifs Jónssonar, Litla Langadal, sonur Kletts
72876 frá Hesti, var dæmdur besti hrúturinn á Klungur-
brekkusýningunni og hlaut 79,5 stig fyrir byggingu. Kubbur
frá Setbergi og Tappi frá Haukabrekkubúinu hlutu báðir I.
verðlaun B á héraðssýningunni og hlaut Kubbur 74,5 stig, en
Tappi 73,5 stig fyrir byggingu.
Helgafellssveit: Sýningin var haldin á Hólum og var vel
sótt. Alls voru sýndir 62 hrútar, 38 tveggja vetra og eldri,
sem vógu 89,8 kg til jafnaðar og eru þeir að meðaltali
léttustu hrútar sýslunnar eða 6,2 kg léttari en meðaltal, og 24
veturgamlir, sem vógu að meðaltali 76,8 kg eða 4,8 kg léttari
en meðaltalið í sýslunni. Þrátt fyrir þennan léttleika í hrút-
unum eru þeir að meðaltali næst háfættustu hrútarnir í sýsl-
unni, með 131,7 mm framfótlegg, enda kom þetta berlega
fram á flokkun þeirra, af því að aðeins 25,8% þeirra hlutu I.