Búnaðarrit - 01.01.1981, Page 395
HRÚTASÝNINGAR 1980
379
verðlaun og er það lakari árangur heldur en á fyrri sýningum,
en þá fóru þeir lægst við flokkun í 34% í I. verðlaun. Til þess
að árangur náist í þá átt að bæta byggingarlag fjárins í
Helgafellssveit verður að eiga sér þar stað algjör hugarfars-
breyting, hvað varðar byggingarlag fjárins, menn verða að
láta af þeirri trú sinni, að vel vaxnar ær mjólki minna en þær
háfættu og gisbyggðu og skili þar af leiðandi minni afurðum,
en auðveldast fyrir þá, sem enn trúa þessu, er að taka sér ferð
á hendur að Mávahlíð í Fróðárhreppi og sjá féð þar, en þar er
framúrskarandi vel vaxið fé, sem skilar miklum afurðum. Á
héraðssýninguna voru valdir 4 hrútar, en aðeins tveir mættu.
Af veturgömlu hrútunum var talinn bestur Stúfur Lassason
75922 frá Svelgsá, hann er fríð kind með ágæt bakhold og
hlaut hann 76,5 stig og I. verðlaun B á héraðssýningunni. Af
eldri hrútum var bestur Litli frá Hrísum, jafnvaxinn með
úrvals lærahold. Hann hlaut I. verðlaun A og 79,5 stig á
héraðssýningu. Næstir Litla í röð á sveitasýningunni stóðu
Grettir og Kóngur frá Hofsstöðum. Feir eru báðir fullhá-
fættir, en holdgóðir.
Eyrarsveit: Sýningin varhaldin að Hömrum ogvarfremur
vel sótt. Alls var sýndur 51 hrútur, 32 tveggja vetra og eldri,
sem vógu að meðaltali 93,8 kg, en það er 2,2 kg minna en
jafnaldrar þeirra í sýslunni, og 19 veturgamlir, er vógu að
meðaltali 82,0 kg, sem er 0,4 kg meira en jafnaldrar þeirra í
sýslunni. Fyrstu verðlaun hlutu 27 hrútar eða 52,9%, sem er
svipað hlutfall og fyrir 4 árum. Sýningin var skemmtileg og
mikill áhugi ríkjandi og komu þar fram margir úrvals hrútar.
Af 4 hrútum, sem sendir voru á héraðssýninguna, hlutu 3
heiðursverðlaun. í Eyrarsveit hefur náðst verulegur árangur
í að bæta gerð hrútanna. Af veturgömlu hrútunum var talinn
bestur Haki Kjarnason 75921 frá Kolgröfum, en hann er
kattlágfættur með ágæt lærahold og hlaut 79 stig og I. verð-
laun A á héraðssýningunni. Af tveggja vetra hrútum var
efstur Moli Bóndason 74940 frá Mávahlíð, eigandi Hörður
Pálsson, Hömrum, hlaut hann 80,5 stig og I. heiðursverð-