Búnaðarrit - 01.01.1981, Page 399
HRÚTASÝNINGAR 1980
383
Kambi. Hann hlaut 79,0 stig og I. verðlaun A á hér-
aðssýningunni. Hryggur er bollangur, holdmikill, en fullstór
kind.
Staðarsveit: Sýningin var haldin að Fossi í afspyrnu norðan
roki og éljagangi, sem eflaust orsakaði verri mætingu en ella,
en sumir sýningargestir lentu í allmiklum erfiðleikum við að
komast á sýningarstað. Alls var sýndur 41 hrútur, 21 full-
orðinn, sem vó að meðaltali 92 kg eða 4 kg minna en jafn-
aldrar þeirra í sýslunni, og 20 veturgamlir, sem vógu að
meðaltali 77,9 kg eða 3,7 kg minna að meðaltali en jafnaldr-
ar þeirra í sýslunni. Alls hlutu 12 hrútar 1. verðlaun, sem er
29,3%. Þetta er næstlakasti árangurinn, hvað flokkun hrúta
viðkemur, í sýslunni. Þá kemur fram í töflunni um fótahæð
sýndra hrúta, að í Staðarsveit eru hrútar jafnháfættastir,
132,2 mm framfótarleggur, og einnig með þeim léttustu í
sýslunni eins og að framan er skráð. Áberandi er, hve léleg
lærahold eru á hrútastofninum og þarf að gera stórátak til að
bæta þau, en auðveldast og fljótlegast til úrbóta er að stór-
auka sæðingarstarfsemi í sveitinni og með skipulögðu lamb-
hrútavali, þar sem leitað er aðstoðar héraðsráðunautar. Af
veturgömlu hrútunum voru sendir þrír á héraðssýninguna.
Sighvatur Kjarnason 75921 frá Stekkjarvöllum stóð efstur
þeirra, hlaut I. heiðursverðlaun og 83 stig og þessa umsögn:
„Sighvatur er fríð kind, með óvanalega mikla bringu og
útlögur, bakið er sterkt og holdmikið og lærin ágæt.“ Annar í
röð veturgamalla hrúta var Dvergur Funason 70880 frá
Álftavatni. Hann hlaut I. verðlaun B og 77 stig, en Dvergur
er lágfættur, með mjög góð bakhold. Þriðji í röð veturgam*-
alla hrúta var Vilmundur Kálfsson 70885 frá Stekkjarvöll-
um, sem hlaut I. verðlaun B og 75 stig.
Efsti hrútur í eldri flokki var Garpur Ketilsson frá Litla-
Kambi, eigandi Jóhannes L. Gíslason, Bláfeldi. Garpur
hlaut I. verðlaun B og 76 stig á héraðssýningunni.