Búnaðarrit - 01.01.1981, Page 400
384
BÚNAÐARRIT
Miklaholtshreppur: Sýningin var haldin að Borg og var
sýndur 61 hrútur, 43 tveggja vetra og eldri, sem vógu 94,7 kg
að meðaltali eða 1,3 kg minna en meðaltal jafnaldra þeirra í
sýslunni, og 18 veturgamlir, sem vógu að meðaltali 78,7 kg,
sem er 2,9 kg minna en jafnaldrar þeirra. Alls hlutu 35
hrútar I. verðlaun eða 57,4%, sem er svipað hlutfall og á
sýningunni fyrir fjórum árum. Á sýningunni var mikill áhugi
og komu fram margir góðir hrútar. Fimm hrútar voru valdir
á héraðssýninguna og voru tveir þeirra frá Hjarðarfelli og
aðrir tveir undan hrútum þaðan, en eins ogfram kemur í skrá
yfir I. verðlauna hrúta hér að framan, þá eru margir I.
verðlauna hrútar frá Hjarðarfelli eða ættaðir þaðan um alla
hreppa vestan girðingar, en það er mikil gæfa fyrir hvert
fjárræktarfélag, að hafa slíkan forustukjarna í hreppnum
sem Hjarðarfellsbúið er, en þar fer saman bóndi með mjög
gott vit á fé og með mikinn dugnað í félagsmálum.
Af veturgömlu hrútunum dæmdist bestur Hnykill Kol-
beinsson á Hjarðarfelli, en hann er lágfættur og klettþungur,
með góð bak-, mala- og lærahold. Af tveggja vetra hrútun-
um var Roði Kjarnason 75921 frá Miklaholti talinn bestur.
Hann hlaut heiðursverðlaun og 81,5 stig á héraðssýningu og
þessa umsögn: „Roði er fríð kind, með frábæra bringu og
útlögur, úrvals bakhold og góð læri.“
Annar í röð tveggja vetra hrúta í hreppnum var Bliki
Hringsson 291 frá Hjarðarfelli. Hann hlaut I. heiðursverð-
laun og 81 stig á héraðssýningunni og þessa umsögn: „Bliki
er bollangur og stinnur í baki, með úrvals bak-, mala- og
lærhold.“ Af eldri hrútum var talinn bestur Lopi Soldánsson
71870frá Borg. Hann hlaut I. heiðursverðlaun og84,5 stigá
héraðssýningu og þessa umsögn: „Lopi er fríð kind, stinn-
holda, með frábær bak-, mala- og lærahold, fætur eru réttir,
sterkir og fótstaðan mjög góð.
Annar í röð eldri hrúta var Hringur Bóndason 74940 frá
Hjarðarfelli. Hann hlaut I. heiðursverðlaun og 81 stig og