Búnaðarrit - 01.01.1981, Side 420
404
BÚNAÐARRIT
arstöðvunum. Flestir voru þeir undan Kjarna og Bónda frá
Hjarðarfelli, en þeir áttu 11 syni á sýningunni og fóru 8 af
þeim í heiðursverðlaun. Fjölmenni mikið var á sýningunni
og komu nokkrir um langan veg til þess að sjá þessa fallegu
hrúta, er þarna voru saman komnir. Má þar meðal annarra
nefna landbúnaðarráðherra, Pálma Jónsson á Akri, dr.
Halldór Pálsson, fyrrum búnaðarmálastjóra, Einar Ólafs-
son, Lækjarhvammi og Stefán Pálsson, framkvæmdastjóra
Stofnlánadeildar landbúnaðarins, ásamt fleirum góðum
gestum. Að lokinni skoðun á sýningunni var haldið að Fé-
lagsheimilinu Breiðabliki til sameiginlegrar kaffidrykkju.
Formaður Búnaðarsambands Snæfellsnes- og Hnappadals-
sýslu, Guðbjartur Gunnarsson, Hjarðarfelli, stjórnaði sam-
kvæminu. Á meðan setið var að kaffidrykkju afhenti forma-
ðurinn þeim Mávahlíðarbændum, Þorsteini og Leifi Ágúst-
ssonum, verðlaunaskjöld Búnaðarsambandsins, er Þorri
hlaut í þetta sinn með miklum sóma. Þá fór fram sýning á
tveimur dilkaföllum, til að sýna gestum hvílíkur munur er á
gerð og gæði falla eftir vaxtarlagi fjárins. Annað fallið var frá
Mávahlíðarbúinu af mjög vel gerðum stjörnuskrokk, en hitt
fallið, sem var jafnþungt, en langt og háfætt, algengt vaxtar-
lag á íslenskum dilkaföllum, sem hafði þófarið í I. gæðaflokk
þrátt fyrir vöðvaleysið. Þá stigu eftirtaldir menn í pontuna og
héldu ræðu eða ávörp um sauðfjárrækt á meðan á kaffi-
drykkju stóð, Pálmi Jónsson, landbúnaðarráðhera, dr. Hall-
dór Pálsson, fyrrum búnaðarmálastjóri, Gunnar Guð-
bjartsson, formaður Stéttarsambands bænda, Einar E.
Gíslason, ráðunautur, Skagafirði, og Leifur Kr. Jóhannes-
son ráðunautur, Stykkishólmi.
Lofuðu ræðumenn og aðrir sýningargestir hrútastofninn,
sem þarna kom fram, og töldu hann mjög álitlegan og sem
benti ótvírætt í þá átt, að miklar framfarir hefðu átt sér stað í
fjárræktinni á Snæfellsnesi undanfarin ár.