Búnaðarrit - 01.01.1981, Page 443
AFKVÆMASÝNINGAR Á SAUÐFÉ 1980
427
B. Leirgul 75841 sama eiganda er heimaalin, f. Angi 68875,
m. Leira 65020. Hún er hvít, hyrnd, gul á haus og fótum,
með gular illhærur á belg. Hún er geysi væn, með frábærar
útlögur og framúrskarandi holdfyllingu á baki, mölum og í
lærum. Afkvæmin eru öll hvít, hyrnd, gul á haus og fótum og
hafa eitthvað illhæruskotna ull. Þau hafa sívalan rýmis-
mikinn bol og ágæt bak- , mala- og lærahold. Fullorðnu
synirnir eru ágætar I. verðlauna kindur, sá veturgamli 2. í röð
á sýningu á þessu hausti. Tvævetra ærin úrvalsær að gerð og
annar lambhrúturinn metfé, hinn mjög gott hrútsefni.
Leirgul hefur verið tvílembd nema einu sinni og hefur 6,4 í
afurðastig.
Leirgul 75841 hlaut I. verðlaun fyrir afkvæmi.
C. Kúðhyrna 74992 Helgu Hjálmarsdóttur, Tunguhálsi, er
heimaalin, f. Hlutur 69866, m. Bára 74195. Hún er hvít,
hyrnd, gul á haus og fótum og ekki laus við gular illhærur í
ull. Hún er fínbyggð, með ágætar útlögur, mjög góð bak- og
malahold og góð lærahold. Afkvæmin eru hvít, hyrnd, gul á
haus og fótum. Veturgamli sonurinn er ágæt 1. verðlauna
kind, hann hefur framúrskarandi holdfyllingu á baki, mölum
og í lærum. Dæturnar eru ágætar að gerð, sú veturgamla
fremur smá. Annar lambhrúturinn gott hrútsefni. Kúðhyrna
hefur verið tvílembd nema einu sinni og hefur 5,5 í afurða-
stig.
Kúðhyrna 74992 hlaut 1. verðlaun fyrir afkvœmi.
D. Kempa 72032 Kristínar og Guðbjörns, Þorsteinsstöðum,
er heimaalin, f. Snær 66843. Hún er hvít, hyrnd, gul á haus
og fótum, með fremur litla ull og ekki lausa við illhærur. Hún
er fínbyggð og jafnvaxin. Afkvæmin eru öll hvít, hyrnd, sum
björt, en önnur gul, fremur ósamstæð. Veturgamli sonurinn
góð II. verðlauna kind, fullorðnu dæturnar sæmilegar að
gerð. Hrútlambið er ekki hrútsefni, en gimbrin snoturt