Búnaðarrit - 01.01.1981, Page 453
AFKVÆMASÝNINGAR Á SAUÐFÉ 1980 437
endingu. Afkvæmin eru öll hvít, hyrnd, flest gul á haus og
fótum, önnur björt, sum ekki laus við gular illhærur á bol.
Þau eru bollöng og útlögumikil, með ágæt bak- og malahold,
en lærahold eru lítil á sumum. Sonurinn Óðinn stóð efstur í
röð tvævetra hrúta á sýningu í haust, annað hrútlambið
nothæft. Dæturnar eru geipivænar og tvær þeirra úrvalsær að
gerð. Salka hefur alltaf verið tvílembd og hefur 6,6 í afurða-
stig.
Salka 71811 hlaut I. verðlaun fyrir afkvœmi.
E. Fiðla 72840 sama eiganda er heimaalin. Hún er hvít,
hyrnd, gul á haus og fótum, með fremur litla og grófa ull.
Hún er sterkbyggð, með mjög breiða, framstæða bringu og
góðar útlögur, bak-, mala- og lærahold sæmileg. Afkvæmin
eru öll hvít, hyrnd, gul á haus og fótum, með illhæruskotna
ull. Þau eru eins og móðirin bolmikil og sterkbyggð, en
misjöfn að holdafari. Sonurinn Frosti ágæt I. verðlauna kind,
hrútlambið þokkalegt hrútsefni, gimbrarlambið gott ærefni.
Fiðla hefur alltaf verið tvílembd eða þrílembd og hefur 5,0 í
afurðastig.
Fiðla 72840 hlaut II. verðlaun fyrir afkvæmi.
F. Prýði 75015 sama eiganda er heimaalin, f. Köggull
73877, m. Langa 69941. Hún er hvít, hyrnd, ljósgul á haus
og fótum, með litla en vel hvíta ull. Hún er bollöng, með
framstæða, djúpa bringu, miklar útlögur og holdgóð á baki,
mölum og í lærum, mjög sterkbyggð. Afkvæmin eru öll hvít,
hyrnd, flest björt á haus og fótum, með góða ull. Þau hafa
langan, djúpan bol með góðum útlögum og ágætum bak- og
malaholdum, lærahold misjöfn. Sonurinn Krókurer allgóð I.
verðlauna kind, hrútlambið gott hrútsefni og gimbrarlambið
ágætt ærefni. Prýði hefur alltaf verið tvílembd og hefur 9,2 í
afurðastig.
Prýði 75015 hlaut I. verðlaun fyrir afkvæmi.