Búnaðarrit - 01.01.1981, Page 493
SAUÐFJÁRRÆKTARFÉLÖGIN 1979—1980 477
eða færri til nytja eftir 100 ær, sem er algerlega óviðunandi
árangur.
IV. Afurðir ánna. Haustið 1980 fást til jafnaðar 23 kg af
reiknuðu dilkakjöti eftir hverja skýrslufærða á, en 24,8 kg
eftir hverja á, sem skilar lambi að hausti. Tvílemban skilaði
til jafnaððar 29,8 kg af dilkakjöti, en einlemban 17,3 kg.
Tvílemban skilar nú 3,3 kg meira af kjöti til jafnaðar en
tvílemban gerði haustið 1979 og einlemban skilar 1,5 kg
meira dilkakjöti en haustið 1979. Eftirhverjaskýrslufærðaá
fást réttum 2 kg meira af reiknuðu dilkakjöti haustið 1980
en var haustið 1979. Nú er 1979 á allan hátt óeðlilegt ár til
samanburðar vegna hinnar miklu rýrðar dilka það haust.
Haustið 1978 fengust aftur á móti mestu afurðir eftir ær í
fjárræktarfélögunum, sem fengist hafa. Þegar gerður er
samanburður á niðurstöðum frá haustinu 1978 og 1980
kemur í ljós, að bæði einlembur og tvílembur skila 0,1 kg
minna af reiknuðu dilkakjöti 1980 en 1978. Eftir hverja
skýrslufærða á fást aftur á móti 0,8 kg minna af reiknuðu
dilkakjöti 1980 en 1978. Vænleiki lamba í fjárræktarfé-
lögunum hefur því haustið 1980 verið með allra mesta móti,
en minni frjósemi en nokkur undangengin ár hefur all-
nokkur áhrif á afurðamagn eftir hverja á.
Haustið 1980 voru lömb í fjárræktarfélögunum vænst í
Strandasýslu eins og oftast áður eftir góð sumur. Þar í sýslu
skilar tvílemban til jafnaðar 32,8 kg af dilkakjöti og ein-
lemban 19,1 kg. Eftir hverja á, sem skilar lambi að hausti,
fást 27,8 kg af dilkakjöti. Næstir Strandamönnum í afurðum
eftir skýrslufærða á koma Austur-Skaftfellingar með 27,3 kg
eftir á, sem skilar lambi, Suður-Þingeyingar 26,2 kg og í
Norður-Þingeyjarsýslu fást 26 kg af dilkakjöti eftir á, sem
skilar lambi. Afurðir eru minnstar í Norður-Múlasýslu, þar
sem fást 22,2 kg eftir á, sem skilar lambi. Vænleiki lamba
virðist í samanburði við fyrri ár hafa verið hvað lægstur í
Múlasýslum haustið 1980.