Búnaðarrit - 01.01.1981, Side 499
SAUÐFJÁRRÆKTARFÉLÖGIN 1979—1980
483
ræktunarstarfinu meðan ekki fæst meiri skráning en raun ber
vitni.
VIII. Veturgamlar ær. Upplýsingar um afurðir veturgamalla
áa bárust frá 751 skýrsluhaldara. Samtals bárust skýrslur um
15.828 veturgamlar ær eða rúmar þúsund færri en haustið
1979. í þeim samanburði ber þó að hafa hugfast, að sam-
kvæmt forðagæsluskýrslum þá voru ásett lömb á landinu nær
helmingi færri haustið 1979 en haustið 1978, þannig að nú
koma skýrslur um hlutfallslega mun fleiri veturgamlar ær.
Nokkrar meðaltalstölur fyrir einstakar sýslur eru sýndar í
töflu 4. Skýrslufærðar ær í fjárræktarfélögum skýrsluárið
1979—1980 urðu því samtals 175.243.
Af veturgömlu ánum hafa 5.122 skráðan þunga að hausti
og vori. Ásetningshaustið vega þær til jafnaðar 37,0 kg, sem
er 2,3 kg lægra en haustið 1978 og endurspeglar mun í
vænleika lamba þessi tvö haust. Þær þyngjast til jafnaðar um
12,0 kg um veturinn, sem teljast verður viðunandi. Eftir
hverjar 100 veturgamlar ær fæðast til jafnaðar 68 lömb og 56
koma til nytja að hausti. Frjósemi er allnokkru lægri en árið
1979 og orsakir þess vafalítið að hluta þær, sem áður eru
raktar. Af gemlingum er 3.981 eða 25,1% hafðir geldir, en
það hlutfallar til samanburðar 18,8% árið 1979. Af þeim,
sem með lambi áttu að vera, urðu 2.066 eða 17,4% geldir,
sem er heldur meira en árið áður, sem er í samræmi við minni
vænleika gimbranna nú. Af þeim gemlingum, sem bera, eiga
því 9,1% tvö eða fleiri lömb á móti 10,6% árið 1979. Þó að
lömbin séu færri eru þau það vænni en 1979 að afurðir eftir
hvern gemling verða meiri haustið 1980. Hver gemlingur,
sem skilar lambi, skilar til jafnaðar 16,0 kg af kjöti á móti
13,9 kg haustið 1979. Hver skýrslufærður gemlingur skilar
8,5 kg af kjöti, en 1979 var tilsvarandi tala 7,8 kg. Af föllum
lamba undan gemlingum fara 1,7% í stjörnuflokk, 91,9% í I.
gæðaflokk, 3,6% í II. gæðaflokk, 1,1% í 0-flokk og 1,7% í
III. gæðaflokk.
32