Búnaðarrit - 01.01.1981, Page 519
SKÝRSLUR NAUTGRIPARÆKTARFÉLAGANNA 1979 503
15,4 árskýr, og var meðalnyt þeirra 5207 kg. Alls voru 5 bú í
þessum flokki með yfir 5000 kg meðalnyt árskúa.
Loks eru bú með 10—15 árskýr. Voru þau 59 að þessu
sinni, einu fleira en árið áður og tveimur fleiri en 1977. Þar
er nú efst félagsbúið á Þingeyrum með 5595 kg meðalnyt
13,6 árskúa. Er það jafnhá ársnyt og á búi Sverris í Efri-Ási,
sem getið er hér að framan, og eru þau jafnframt hin hæstu á
árinu.
Smærri bú eru ekki talin í töflu 111, þótt meðalnyt væri yfir
4000 kg, en þau voru 58, þar af 42 með 5,0—9,9 árskýr og
16 með innan við 5 árskýr.
Þriðja árið í röð var tekið saman, hverjar meðalafurðir
voru á búum af mismunandi stærð. Var búunum skipt í 5
flokka eins og áður. Hcildarniðurstöður voru þessar:
Bú með <10 kýr voru 145 og meðalnyt 3772 kg.
Bú með 10,0—20 kýr voru 322 og meðalnyt 3816 kg.
Bú með 20,1—30 kýr voru 259 og meðalnyt 3790 kg.
Bú með 30,1—40 kýr voru 111 og meðalnyt 3841 kg.
Bú með >10 kýr voru 52 og meðalnyt 3828 kg.
Minni mismunur er nú milli stærðarflokka en áður, bæði
gagnvart nythæð og fjölda búa. Hefur búum með innan við
30 kýr fækkað um 28, en stærri bú eru 11 færri en 1978. Bú
með innan við 10 kýr eru þremur færri, en meðalnyt á þeim
hefur aukizt um 83 kg, og er þó enn lægst í þessum flokki.
Ber að vísu að taka meðaltölur úr þessum flokki með nokkr-
um fyrirvara, þar sem bú með skýrsluhald hluta úr ári Ienda
þar, en þar verða af ýmsum ástæðum mestar sveiflur í með-
alnythæð. Af sömu ástæðu lenda í þessum flokki bú, sem
fylgt hefðu stærri flokkunum, ef skýrsluhald hefði náð til alls
almanaksársins. Bú með 10—20 kýr eru flest, oghefur með-
alnyt á þeim staðið í stað. í næstu tveimur flokkunum hafa
meðalafurðir aukizt nokkuð, þ. e. um 35 kg, og eru þær
hæstar á búum með 30—40 kýr, 3841 kg. Bú með yfir 40 kýr
eru svo til jafnmörg og árið áður. Á þeim hefur meðalnyt
lækkaö um 44 kg, en er þó enn næst hæst í þessum flokki.
Ólafur E. Stefánsson