Búnaðarrit - 01.01.1981, Page 521
SKÝRSLUR NAUTGRIPARÆKTARFÉLAGANNA 1980 505
hundraöshluta einingar. Reiknað í kg mjólkurfitu verða
afurðirnar jafnháar bæði árin, þ. e. 162 kg. Nyt árskúa hafði
lækkað um 40 kg. Kjarnfóðurgjöf var skráð á 623 búum. Var
hún 650 kg á heilsárskú og 643 kg á reiknaða árskú. Er það
lækkun um 231 kg og 227 kg í hvorum flokki um sig.
Athygli vekur, hve meðalnyt lækkar lítið þrátt fyrir langt-
um minni kjarnfóðurgjöf en verið hefur að undanförnu, en
kjarnfóður hafði verið ódýrt um árabil miðað við mjólkur-
verð til bænda. Mjólkurfita hefur aldrei orðið eins há og
þetta ár miðað við hundraðshluta og aðeins eitt ár (1971)
hærri miðað við kg. Þetta eru 4. hæstu afurðir árskúa miðað
við mjólkurmagn og 7. hæstu hjá heilsárskúm. Verður þetta
allt að teljast góður árangur miðað við þau umbrot, sem áttu
sér stað á árinu gagnvart mjólkurframleiðslunni og fólgin
voru í ákvörðunum um verðlagningu og framleiðslumagn.
í 12 félögum, þar sem skýrsluhaldarar voru hið fæsta 8,
náði meðalnyt heilsárskúa 170 kg mjólkurfitu. Sjö þeirra
voru í Eyjafirði, 4 í Suður-Þingeyjarsýslu og loks félag
Austur-Skaftfellinga. Röð þeirra eftir afurðamagni er þessi:
Nf. Skútustaðahrepps 197 kg, Nf. Skriðuhrepps 196, Nf.
Hrafnagilshrepps 181, Nf. Hálshrepps 180, Nf. Glæsibæjar-
hrepps og Nf. Öngulsstaðahrepps 177, Bf. Reykdæla 176,
Nf. Saurbæjarhrepps 174, Nf. Austur-Skaftfellinga og Bf.
Árskógsstrandar 172 og Bf. Aðaldæla og Bf. Öxndæla 170
kg. Flest voru þessi félög á samsvarandi skrá árið 1979, og
tvö hin efstu eru í sömu röð og þá.
Félög, sem náðu 4000 kg meðalnyt eftir árskú og í voru
a. m. k. 8 bú með skýrsluhald, voru aðeins 5 á móti 10 árið
áður, enda lækkaði meðalnyt í félögunum, svo sem áður er
fram komið. Þessi félög voru: Nf. Skútustaðahrepps 4449
kg, Nf. Skriðuhrepps 4241, Nf. Hrafnagilshrepps 4075, Nf.
Hálshrepps 4070 og Bf. Reykdæla 4031 kg.
Af félögum, sem ná yfir einn hrepp aðeins, voru þessi 9
með yfir 600 kýr hvert: Nf. Hrunamanna 871 kýr, Nf.
Öngulsstaðahrepps 867, Nf. Svarfdæla 743, Nf. Hrafnagils-