Búnaðarrit - 01.01.1981, Page 537
SKÝRSLUR NAUTGRIPARÆKTARFÉLAGANNA 1980 521
leiðslu landsmanna. Af þessum 40 búum eru 27 á svæði
Búnaðarsambands Eyjafjarðar. Tvö bú í þessum flokki eru
með yfir 5000 kg mjólkur á árskú, bæði kunn áður. Annað
er bú Sturlaugs Eyjólfssonar, Efri-Brunná í Saurbæ í
Dalasýslu, þar sem meðalnyt 31,7 árskýr var 5008 kg, og
hitt Hreins Kristjánssonar, Hríshóli í Saurbæjarhreppi í Eyja-
firði, en hjá honum var meðalnyt 34,7 árskúa 5007 kg.
Stærst í þessum flokki er félagsbúið á Efri-Dálksstöðum á
Svalbarðsströnd með 66,7 árskýr, og var meðalnyt þeirra
4130 kg. Þrjú önnur eru með yfir 60 árskýr.
í næsta flokki eru bú með 25—30 árskýr, 34 talsins á móti
29 árið áður. Það ár voru talin í einu lagi bú með 20—30
árskýr og voru 81, en 79 nú. Af þessum 34 búum eru 11 í
Eyjafirði og jafnmörg í Árnessýslu. Eitt er með yfir 5000 kg
ársnyt. Er það félagsbúið í Víðiholti í Reykjahverfi með
5 1 16 kg meðalnyt 27,5 árskúa.
í þriðja flokknum eru bú með 20—25 árskýr. Eru þau 45 á
móti 52 árið 1979. Af þeim eru 14 í Eyjafirði og 10 í
Árnessýslu. Tvö bú í þessum flokki eru með yfir 5000 kg
meðalnyt. Hið fyrra er bú Guðlaugs Jónssonar, Voðmúla-
stöðum í Austur-Landeyjum, með 5337 kg meðalnyt 23,8
árskúa, og er það 2. hæsta búið á þessari skrá. Það var hæst
árið áður af búum með 20—30 árskýr. Hitt er bú Eiríks
Tryggvasonar, Búrfelli í Ytri-Torfustaðaheppi, með 5128 kg
meðalnyt 22,5 árskúa, en það var 2. í röðinni 1979 af búum
með 15—20 árskýr.
Bú með 15—20 árskýr voru 50 nú á móti 55 árið á undan.
Af þeim voru 16 í Eyjafirði. Mestu afurðir í þessum hópi
voru hjá Sigmari Jóhannssyni, Sólheimum í Staðarhreppi í
Skagafirði, 4772 kg nyt 18,4 árskúa.
I síðasta flokknum eru bú með 10—15 árskýr, alls 49, og
hefur þeim fækkað um 10 frá fyrra ári. Af þeim voru 13 í
Eyjafirði og 12 í Suður-Þingeyjarsýslu. Efst af þeim var
félagsbúið í Baldursheimi í Mývatnssveit með 5607 kg
meðalnyt 14,4 árskúa, sem er hin hæsta í töflunni allri.