Morgunn - 01.06.1965, Side 29

MORGUNN
23
En áður en við snúum okkar að afstöðu Dickens skulum
við rifja upp hvers konar miðill Daniel Dunglas Home var;
styðst ég hér við bók þá, er rithöfundurinn Jean Burton
skrifaði um hann, en hún ber nefnið Heyday of a Wizard
eða Blómaskeið töframanns.
Daniel Dunglas Home var fæddur nálægt Edinborg í Cur-
rie-þorpi 20. marz 1833, þirðja barn Williams Homes og
konu hans Elisabetar McNeal. Foreldrarnir voru bæði frem-
ur óvenjulegar manneskjur. Móðir hans var skyggn; faðir
hans var ekki viðurkenndur ættingi, en þó skyldur hinni
gömlu aðalsætt, er bar Home-nafnið, og kenndi sig við
Dunglas.
Eftir því, sem Home hélt fram, var faðir hans launsonur
tíunda jarlsins af Dunglas, og þessu bar viðkomandi fólk
ekki á móti. Nafnið er skrifað Home, en Skotar yfirleitt og
einnig hann sjálfur báru nafnið fram ýmist Hoom eða Hume.
Hér mun vera um sömu aðalsætt að ræða og fyrrverandi
forsætisráðherra Breta er kominn af, Home lávarður, sem
að vísu afsalaði sér lávarðstign til þess að geta átt sæti í
Neðri deild, eins og kunnugt er.
Ættarnafn móður hans var McNeal áður en hún giftist;
hún var af Háskotum komin og skyggni var ættgengi í henn-
ar ætt. Sjálf var hún skyggn eða forspá, og kom sú gáfa fram
á fremur óskemmtilegan hátt; hún sagði nefnilega aðallega
fyrir dauða frænda og vina. Daniel var þannig miðilsgáfan
meðfædd eða arfgeng, og vakti það því minni furðu en ætla
mætti, að frá því að hann var f jögurra ára gat hann lýst at-
burðum, sem voru að gerast í mikilli fjarlægð. Hann gerði
þetta á þann hátt, að engu var líkara en hann sæi hlutina
gerast rétt fyrir framan sig. Vanalega var það eitthvað dap-
urlegt eða sorglegt, sem hann lýsti. Hinn mikli aðdáandi
Swedensborgs og vinur Emersons, dr. Garth Wilkinson sagði
Daniel til afsökunar: „Það var ekki honum að kenna. Hann
sá þetta, hvort sem honum líkaði betur eða verr.“
Af einhverjum ástæðum tók frænka Daniels, frú Mary
McNeal Cook hann til sín ársgamlan og ólst hann síðan upp