Morgunn - 01.06.1965, Page 36

30
MORGUNN
um. Hin ástæðan og sú veigameiri var, að allt frá byrjun
reyndi Home það, sem enginn miðill hefur gert, hvorki fyrr
né síðar, en það var það, að hann reyndi að þroska sig
þannig, að mögulegt yrði að láta fyrirbrigðin gerast í björtu.
Enda tókst honum það. Hann fann réttilega til yfirburða
sinna á þessu sviði og átti það til að gera gys að þessum
klaufum, sem engum árangri næðu, nema í dimmu herbergi
með hjúpuðu horni. Særði hann starfsbræður sína marga
með þessu tillitslausa háði, enda varð hann aldrei vinsæll
meðal þeirra, þótt hann eignaðist marga góða vini. Hann
benti á það, að þar sem dimmt væri, væri gefinn möguleiki
til svika.
Varla þarf að taka fram, að mikið var um skilaboð frá
öndum á fundum Homes og lagðar fyrir þá spurningar, eins
og algengt er hjá öðrum miðlum. Það sem gerði Home svo
vinsælan hjá vinum og stuðningsmönnum voru vitanlega
hæfileikar hans og ekki síður hve töfrandi elskulegur hann
gat verið. 1 bréfi til hans segir Clark biskup meðal annars:
„Þú átt þá ánægjulegu fullvissu, að.vita þig hafa verið tæki
til þess að færa óteljandi sálum hugsvölun og gleði; þú hefur
orðið orsök þess, að iíf sumra hefur gjörbreytzt; þú hefur
gjört björt þau heimili, er áður voru dimm.“ Vitanlega voru
margir fullir tortryggni, en allur þvættingur um lýsandi
málningu, vír-fjaðrir, vaxhendur og sprota, þagnaði algjör-
lega við eina athugasemd, sem ekki var hægt að svara: Ef
hann var sjónhverfingamaður, hvar geymdi hann þá útbún-
að sinn?
Lítill hópur fróðra manna, sem ekki var haldinn illvilja,
hafði sérskoðun á honum. Þessir menn hneigðust helzt að
þeirri hugmynd, að um ómeðvitandi blekkingar væri að
ræða. Blekkingar, sem framkvæmdar væru þegar hann væri
í dái og miðillinn gæti því ekki borið ábyrgð á. Home fannst
þessi skýring ákaflega heimskuleg og fráleit. Það, sem hann
sjálfur sagði og marg endurtók, var þetta: ,,Ég hef aldrei
haft minnsta vald yfir þessum fyrirbrigðum, hvorki til að