Morgunn - 01.06.1965, Síða 77

MORGUNN
71
Síðan kvöddust þau. Hún kvað sér hafa fallið þungt að segja
forsetanum frá þessu. „En ég gat ekki annað, úr því hann
spurði, því ég sá þetta alveg greinilega." Þessi forsögn
rættist, eins og kunnugt er.
1 næstu forsetakosningum, sem voru mjög tvísýnar, sagði
hún fyrir sigur Trumans, og var sú spá hennar birt í blöð-
unum. Truman sigraði og þakkaði raunar frú Dixon að
verulegu leyti sigur sinn, og urðu þau vinir upp frá því. Má
og vera, að spádómurinn hafi haft nokkur áhrif á úrslit kosn-
inganna. Eigi að síður er forspáin athyglisverð.
Langsamlega mesta athygli vakti það þó, er frú Dixon sá
fyrir morðið á Kennedy forseta hinn 22. nóv. 1963: Löngu
áður, eða hinn 27. október 1960, birtist í einu víðlesnasta
blaði Bandaríkjanna, spádómur frú Dixon um það, að í þeim
forsetakosningum, sem þá fóru í hönd, mundu demokratar
sigra, en að hinn kjörni forseti (Kennedy) mundi þó ekki
sitja að völdum allt kjörtímabilið. Mundi því valda annað
hvort slys eða morð.
Daginn áður en Kennedy var myrtur, var frú Dixon að
aka bíl sínum um götur Washingtonborgar. Með henni voru
tvær háttsettar konur, önnur gift starfsmanni í sendiráði
Frakka. Þegar þær voru í námunda við forsetabústaðinn,
stöðvar frúin bíl sinn mjög skyndilega. Konurnar urðu
hræddar og spurðu hvort nokkuð væri að. En frú Dixon
svaraði engu, sat við stýrið eins og í djúpri leiðslu. Þegar
hún rankaði við sér, sagði hún við konurnar. ,,Ég hef séð
óttalegan atburð. Kennedy forseti verður myrtur á morgun.
Og ég verð að reyna að aðvara hann þegar i stað.“
En það var um seinan. Forsetinn var þegar lagður af stað
í flugvél sinni til Texas, og mundi ekki koma þangað fyrr en
næstu nótt. Og eldsnemma næsta morguns ætlaði hann að
halda flugferðinni áfram til Dallas.
Frú Dixon reyndi með öllu móti að ná sambandi við föru-
neyti forsetans á hótelinu í Forh Worth í Texas. En henni
tókst það ekki. Símastúlkan lofaði að vísu að reyna að koma
boðum frá henni áleiðis, en taldi þó sára litlar iíkur á því, að