Frjáls verslun - 01.01.2004, Qupperneq 68

FRETTIR
Skeljungur seldur á
næstunni
við Suðurlandsbraut í Reykjavík í húsnæði fyrirtækisins við
Hólmaslóð.
Verið er að leggja lokahönd á undirbúning sölu KB banka
á Skeljungi og verður farið í söluna á næstunni. Fimm til
tíu aðilar hafa þegar sett sig í samband við bankann og
sýnt áhuga á kaupum.
Skeljungur kostaði á 12. milljarð þegar félagið var skráð í
Kauphöllinni og KB banki keypti hlutabréf í félaginu ásamt
Burðarási og Sjóvá-Almennum. KB banki keypti síðan sam-
starfsaðilana út og á því félagið nú að öllu leyti. Ekki fæst upp-
gefið hver verðmiðinn er núna.
Fjárfestingastarfsemi Skeljungs hefur verið hætt og er
búið að selja flestallar eignir félagsins, t.d. í Icelandair, Eim-
skip, Sjóvá og ýmsum sjávarútvegsfýrirtækjum. Einnig er
búið að selja stóran hlut af húsnæði Skeljungs við Suður-
landsbraut og verður fyrirtækið flutt á næstunni í húsnæði
sitt við Hólmaslóð, rétt við olíutankana í Örfirisey. [£j
Bankarnir hagnast
Q KB B^KI □ Landsbankinn
Bankarnir þrír, íslandsbanki, Landsbanki og KB banki,
juku hagnað sinn verulega milli ára í fyrra og hittifyrra,
eða um 60 prósent. Heildarhagnaður bankanna var 17,5
milljarðar króna í fyrra en 11 milljarðar árið á undan. Heildar-
hagnaður fyrirtækjanna í Kauphöllinni var rúmlega 33 millj-
arðar króna á síðasta ári og voru bankarnir því með helming-
inn af heildarhagnaði allra fyrirtækja í Kauphöllinni. S!]
'i
A

Geirlaug Þorvaldsdóttir, eigandi Hótels Holts. Hún hefur
verið viðloðandi hótelreksturinn frá upphafi en hún starfaði
einmitt með foreldrum sínum á Hótel Holti.
Mynd: Geir Ólafsson
Tengd Holtinu
au tíðindi hafa gerst að eitt þekktasta hótelið í Reykjavík,
Hótel Holt, hefur fengið nýjan eiganda. Það var Geirlaug
Þorvaldsdóttir, flárfestir og menntaskólakennari, sem
keypti í desember síðastliðnum hótelreksturinn og tvo þriðju
hluta fasteignarinnar að Bergstaðastræti 37 í Reykjavík, þar
sem Hótel Holt er til húsa, af systkinum sínum, Skúla og
Katrínu. Kaupverðið er ekki gefið upp. Geirlaug tók við hótel-
inu um áramótin og leigði strax stjórnendum þess til margra
ára, Eiríki Ingi Friðgeirssyni hótelstjóra og Sigmari Erni Ing-
ólfssyni yfirþjóni. Sjálf verður Geirlaug með aðstöðu í hótelinu.
Sú staða kom upp í sumar að Skúli Þorvaldsson vildi selja
Hótel Holt og snúa sér að öðrum verkefnum og var Katrin
sama sinnis. Geirlaug var strax ákveðin í að kaupa fyrirtækið
enda þótti henni hótelið spennandi tjárfestingarkostur. Hótel
Holt var stofnað 12. febrúar 1965 af Þorvaldi Guðmundssyni
og eiginkonu hans, Ingibjörgu Guðmundsdóttur, sem einnig
ráku Hótel Sögu og Hótel Loftleiðir um nokkurt skeið.
Geirlaug starfaði með foreldrum sínum við hótelreksturinn
til margra ára og lærði þar allt sem hún kann á því sviði. Hún
hefur því verið tengd Hótel Holti frá upphafi.
Hótelreksturinn er harðnandi heimur en Hótel Holt hefur
sterkar rætur í reykvísku hótelumhverfi og þó nokkra
sérstöðu í samkeppninni. Hótelið er heill heimur út af fyrir
sig, en sem fyrirtæki má kannski segja að það sé þríþætt:
glæsileg gistiaðstaða, veitingastaður og listasafn. Einnig er
góð aðstaða til að halda ráðstefnur, fundi og hóf. Herbergin
eru 42 og starfsmennirnir 44.
Geirlaug Þorvaldsdóttir er formaður í Félagi íslenskra
háskólakvenna jafnframt því að eiga Hótel Holt og þriðjungs-
hlut í Síld og fiski á móti meirihluta KB banka. Síld og fiskur
verður einmitt 60 ára í byijun apríl. Geirlaug hefur kennt
latínu og nútímamál um árabil. [ffl
68