Frjáls verslun - 01.01.2004, Qupperneq 89

Sagan endalausa
Jóhann Ingi Gunnarsson
sálfræðingur.
Einn þeirra þátta sem fyrirtæki hafa til að stilla saman
strengi starfsfólks og fyrirtækis er að halda með því
fundi, gjarnan utan þéttbýlis. Með því að fara út fyrir
bæinn og vera með starfsfólkið allt saman á afmörkuðum stað,
næst betri árangur að sögn Jóhanns Inga Gunnarssonar
sálfræðings, en hann hefur stjórnað mörgum námskeiðum og
fundum af þessu tagi um ævina.
„Iiðsheild innan fyrirtækis skiptir gríðarlega miklu máli og
getur skipt sköpum varðandi afkomu þess,“ segir Jóhann Ingi.
„Góð samskipti innan fyrirtækis þurfa að vera fyrir hendi og
það má oft sjá á fyrirtækjum hvernig þau eru. Það er líka í eðli
mannskepnunnar að staðna og því er rétt að hrista upp í fólki
af og til. Við lifum á tímum mikilla breytinga og þær geta verið
mjög hraðar en lykilatriðið er þó að mannauðurinn skiptir
mestu máli og það þarf að virkja hann með þeim tækjum sem
til eru. Það kemur ekkert í stað þess að tala saman og nauð-
synlegt er að byggja upp traust á meðal samstarfsfólks því án
þess verður hugarfarið ekki gott.“
EFTIRMINNILEG FERÐ Jóhann Ingi segir gott að blanda
saman slíkum fundum og afþreyingu eins og að ganga á
fjallstind, fara í reiðferð eða eitthvað
annað. „Það hefur færst í vöxt að fjöl-
skyldur taki þátt í afþreyingu að lokn-
um fundum og gjarnan þá að kvöldi.
Þetta held ég að sé góð hugmynd og
það eykur samkennd hópsins og
skilning maka og ijölskyldu á eðli
vinnunnar auk þess sem vinabönd tengjast. Hins vegar þarf að
gæta þess að halda við því sem byijað er á, því við erum í eðli
okkar spretthlauparar og leggjum ótrauð af stað, en stundum
verður lítið úr því að klára.“
Jóhann segist hafa haldið mörg námskeið og fundi og oft
fundið upp á ýmsu eins og því að láta þátttakendur veiða sér til
matar eða tjalda úti á víðavangi.
„Mér er minnisstæður einn fundur þar sem ég fór með
æðstu stjórnendur Flugleiða út í Elliðaey, ásamt Magnúsi
Pálssyni. Þeir áttu sér einskis ills von en við Magnús létum þá
tjalda og veiða sér til matar. Þeir fengu enga þjónustu og
þurftu að lesa greinar við kertatýru og uppfæra skjöl hand-
virkt. Þeir höfðu held ég gaman af þessu og muna það enn, en
svona nokkuð skerpir verulega félagsandann og vekur menn
oft til umhugsunar." SIi
„Peppfundir" eru
vinsælir til þess
að auka sam-
kennd og liðsheild
innan fyrirtækja.
Siv Friðleifsdóttir: „Á þessu ári munu koma þúsundir gesta
til landsins vegna formennsku okkar í norrænu samstarfi."
fluiindir
Norðurlanda
ísland þykir spennandi
kostur þegar halda á ráð-
stefnu og góð mæting er
að öllu jöfnuáfundi og
ráðstefnur hér á landi.
Norrænu ríkin skiptast á
um að fara með for-
mennsku í Norrænu ráð-
herranefndinni og leiða starf-
semina eitt ár í senn. Arið 2004
kemur það í hlut íslendinga að
gegna formennsku í nefndinni
og hafa þeir mótað stefnu fýrir samstarfið á formennsku-
tímanum undir fyrirsögninni „Auðlindir Norðurlanda". Með
auðlindum er átt við samfélagsgerðina, félagslegar aðstæður,
menningarai'finn og náttúruauðlindir.
„Á þessu ári munu þúsundir gesta koma vegna þessa sam-
starfs á fundi og ráðstefnur," segir Siv Friðleifsdóttir. „For-
mennskulandið vill að sjálfsögðu að sem flestir fundir séu
haldnir þar og við höfum beint ansi mörgum ráðstefnum og
fundum hingað. Þar á meðal eru ráðherrafundir, embættis-
mannafundir og málþing af ýmsu tagi. Við teljum ísland hafa
upp á gríðarlega mikið að bjóða sem ráðstefnuland, ekki bara
vegna þess að hér er mjög góð aðstaða, heldur einnig vegna
þess hve afþreyingarmöguleikar eru hér rnargir. Náttúra
landsins er víðfræg og landið þykir spennandi og gestir sem
að öllu jöfnu hafa fá eða engin tækifæri til að heimsækja landið
koma hingað og lengja þá oft ferðina um einhveija daga til að
skoða sig um.“
Siv segir hótelaðstöðu vera með því besta sem gerist í
heiminum og möguleikana til landkynningar nær óþijótandi.
„Með þessum nýju hótelum sem hér hafa risið og þeim sem
fyrir voru, er nú hægt að fullyrða að hótelrými sé næganlegt
og hægt að halda stóra fundi hér. Það er mikill kostur og allt
þetta til samans gerir að verkum að við teljum okkur geta
keppt við hvaða land sem er.“ B5
89