Frjáls verslun - 01.01.2004, Qupperneq 130

„Ég horfi bjartsýn fram á
veginn með góðu og sam-
hentu samstarfsfólki."
Ragnhildur Asmundsdóttir,
hjá Hans Petersen
Efdr ísak Örn Sigurðsson
Ragnhildur Asmunds-
dóttir hóf störf hjá Hans
Petersen eftir stúdents-
próf frá MR árið 1969. „í
framhaldi af kaupum Sjafnar
ehf. á Hans Petersen hf. sl.
sumar var farið í gegnum
mikla uppstokkun og endur-
skipulagningu á félaginu.
Rekstrarkostnaður hefur
lækkað verulega á öllum
sviðum, en jafnframt varð sú
breyting nú frá áramótum að
tekjusvið félagsins voru
aðgreind þegar stofnað var
sérstakt dótturfélag um
verslunarreksturinn, Hans
Petersen verslanir ehf., en
framkvæmdastjóri þess er
Jón Ragnarsson," segir Ragn-
hildur.
„Með þessu erum við að
skilgreina nýtt skipulag Hans
Petersens og aðlaga okkur
þeim breytingum sem hafa
orðið á ytra umhverfi félags-
ins. Þróun stafrænnar ljós-
myndunar hefur gjörbreytt
rekstrarumhverfi Hans
Petersens á undanförnum
árum, bæði í sölu og þjónustu
á ljósmyndavörum og vinnslu
mynda, en einnig og ekki síst
á rekstrarvörusviði félagsins,
sem m.a. sér um sölu og þjón-
ustu við prentsmiðjur, mynd-
greiningardeildir á heil-
brigðissviði (röntgen) og
kvikmyndagerðarmenn.
Kodak hefur t.d. nýverið
kynnt að þeir muni stórefla
þróun á stafrænum búnaði og
stafrænum lausnum á öllum
sviðum, en um leið leggja þeir
áfram ríka áherslu á hefð-
bundnar filmur og pappír til
myndvinnslu.
Starf Ragnhildar mótast
eðlilega af því að leiða þá
meginstefnu að efla Hans Pet-
ersen hf. sem markaðsdrifið
iýrirtæki með áherslu á þjón-
ustu við viðskiptavini og blása
til sóknar þar sem öll ný tæki-
færi eru nýtt til vaxtar. „Staf-
ræn þróun hefur vissulega
breytt grunnrekstri fyrir-
tækisins, en opnar um leið
ótalmörg spennandi tækifæri
á öllum sviðum. Við erum t.d.
í samstarfi við ljósmynda-
vöruverslanir Kodak Express
um allt land og þar eru
margar spennandi nýjungar
frá Kodak í farvatninu. Það er
því vissulega engin lognmolla
í kringum okkur. Eg horfi
bjartsýn fram á veginn með
góðu og samhentu samstarfs-
fólki.“
Síðustu árin hefur Ragn-
hildur séð um rekstrarvöru-
svið félagsins, sem er
reyndar sá hluti starfsem-
innar sem ekki snýr að
almenningi og þar af leiðandi
færri vita um. „Það hefur
verið ákaflega skemmtilegt
og um leið lærdómsríkt að
fylgja eftir og taka þátt í öllum
þeim breytingum sem hafa
orðið undanfarin ár, og einnig
að starfa með svo ólíkum
viðskiptavinum sem prent-
smiðjufólki, ljósmyndurum,
starfsfólki á sviði myndgrein-
ingar (röntgen) og kvik-
myndagerðarfólki.
Ragnhildur hefur sótt
fjölda námskeiða bæði hér
heima og erlendis á þessum
sérsviðum og einnig á sviði
rekstrar- og markaðsmála.
„Hluti af starfi mínu er að
sækja fundi og sýningar
erlendis þar sem tengsl við
birgja okkar eru styrkt."
Ragnhildur á tvö upp-
komin börn og þrjú barna-
börn. ,Auðvitað nýt ég sam-
vista við þau í mínum
frístundum, sæki t.d.
stundum fótboltaleiki hjá
fimmta flokki Fylkis, okkar
hverfisfélags. Aðaláhuga-
mál mitt er nú sennilega í
kringum kofann minn uppi í
Skorradal. Þar eyði ég
flestum mínum frístundum
frá vori fram á haust, ýmist
við að pjakka í mold eða þá
við að stússast í matargerð
með fjölskyldu og góðum
vinum. Það er alveg ómet-
anlegt að geta farið á
þennan yndislega stað og
kúplað frá amstri dagsins,"
segir Ragnhildur.311
130