Morgunn - 01.06.1977, Qupperneq 22

20
MORGUNN
menn, sem lifa stjórnlausu ástríðulífi, skapi sér það ástand,
sem er engan veginn afleit eftirmynd helvitis, þótt það sé ekki
eilift. Það varir aðeins jafnlengi og ástriðurnar. Menn geta
því sjálfir ráðið því, hversu lengi þeir lifa í því ástandi. Ef
þeir láta stjórnast af vilja og heilbrigðri skynsemi, fá þeir
unnið bug á hinum jarðnesku ástríðum og komizt út úr því
ástandi, sem af þeim leiðir. Það er þetta ástand, sem liggur
til grundvallar fyrir kenningunni um hreinsunareldinn í ka-
þólsku kirkjunni. Hinar illu tilhneigingar verða að hverfa,
áður en menn fá notið hinnar himnesku sælu.
En svo er annað og æðra tilverustig eftir dauðann; tilveru-
stig, sem samsvarar hinum skynsamlegu hugmyndum, er
menn hafa gert sér um himininn eða himnariki. En inn á
það koma menn ekki, fyrr en þeir eru lausir við allt hið illa
og eigingjarna, sem er í fari þeirra; þar lifa menn annað
hvort andlegu og háleitu vitsmunalífi eða í óumræðilegri trú-
arsælu, allt eftir lyndiseinkunnum þeirra og lifi hér í heimi.
Á þessu tilverustigi nýtur hver og einn þeirrar sælu, sem hann
er fær um að njóta. Hann sér þá betur en nokkru sinni áður,
hvað lífið er i raun og veru, því þá stendur hann nær hinu
sanna og verulega. Á þetta tilverustig koma allir fyrr eða
síðar, bæði guðhræddir menn og vantrúaðir.
Þetta sæluástand má engan veginn skoða sem umbun, held-
ur aðeins sem eðlilega afleiðing af þeim lyndiseinkunnum, sem
menn hafa þroskað hjá sér í lifanda lífi. Menn, sem eru
andlega þroskaðir eða gagnteknir af ósérplægni og fórnfýsi,
lifa á þessu tilverustigi því sælulífi, sem ekki verður með orð-
um lýst. En vér verðum að hafa það hugfast, að þetta sælu-
ástand er aðeins tímabil í hinu eina og sanna lífi. Það er og
áreiðanlegt, að vér leggjum sjálfir grundvöllinn undir það
með hugsunum vorum, orðum og athöfnum hér í heimi.
Breytni vor hér hefur viðlíka áhrif á hið komanda líf og upp-
vaxtarárin hafa á fullorðins- og elliárin. En, þá liggur nærri
að spyrja, hvort sæluástand þetta sé eilíft. Það er síður en svo.
Eins og áður er sagt, er það aðeins afleiðing hins jarðneska