Vaki - 01.09.1953, Side 73

eignast ný, heilög þristimi, jafnvel fjór- ef ekki
fimmstirni, að minnsta kosti eru það þó eink-
um þrír málarar, sem koma á óvart á sýningu
sem þessari og á viðlíka yfirlitssýningum (sbr.
sýninguna Tuttugasta öldin, sem haldin var í
fyrra vor í París), en það voru þeir Fernand
Léger, Juan Gris og Piet Mondrian. Það er erfitt
að gera grein fyrir þvi, sem hleypir verkum
þessara jötunefldu málara fram fyrir hina áður
viðurkenndu. Það mætti þó orða í stuttu máli
svo: Hið klassíska og stranga viðhorf þeirra,
hið byggingarlega snið verka þeirra, fastari og
nákvæmari form, hreinni og bjartari litir, hvoru
tveggja betur fylgt eftir með alúðarfullri vinnu,
þar sem engin tilgerð eða tildur kemst að, sem
því miður hefur slæðst inn í svo margar nútíma-
myndir í óhugnanlega ríkum mæli.
Eitt hefur sýning þessi sýnt betur en nokkuð
annað: Það er skeið runnið í list nútímans og
nýtt að hefjast.
GerSur Helgadóttir:
Myndir, Sculptures,
Útg.: Listsýn S/F.
Um bók þessa er flest gott að segja. Ljós-
myndir og prentmyndir prýðilega heppnaðar.
Vel settar upp á síðumar. Góður pappír. Bókin
sýnir gott yfirlit yfir listferil Gerðar (þótt
stuttur sé). Lökust er forsíðan, það eina sem
óprýðir. Sem sagt ágæt bók. Þakkir séu List-
sýn S/F fyrir framtakið. Óskandi væri að fleiri
slíkar bækur kæmu út í framtíðinni.
H. Á.
„íslenzk tónlistaræska44
Vaki hefur haft spurnir af nýsprottnum vísi að
tónlistarsamtökum hér á landi, sem vonandi á
eftir að vaxa og verða öflugur meiður. Einn af
upphafsmönnum þessa fyrirtækis, en þeir eru
níu talsins, allt ungir tónlistarmenn, hefur góð-
fúslega skýrt okkur frá hvað um er að ræða.
Upp úr síðustu styrjöld reis í Belgíu hreyfing
til kynningar á klassískri tónlist meðal æsku-
lýðsins, JEUNESSE MUSICALE hétu þessi sam-
tök, og var öllum á aldrinum 12 til 25 ára gef-
inn kostur á þátttöku. Hreyfingin breiddist skjótt
til annarra landa, hliðstæð félög voru stofnuð
og mynda þau nú víðtækt, alþjóðlegt samband
ungra tónlistarunnenda. íslenzku samtökin, sem
ráðgert er að taki til starfa einhvern tíma á
næstunni, eru hugsuð sem deild af þessu alþjóða-
sambandi og munu væntanlega hljóta þar upp-
töku, þegar vissum skilyrðum er fullnægt. —
Markmiðið er hið sama og annars staðar: efling
tónlistaráhuga meðal æskulýðsins og kynning
á sígildri tónlist, nýrri og gamalli. Veröur reynt
að ná til sem allra flestra, haft samband við
skóla og félög og freistað að koma á víðtækum
tengslum æskufólks á aldrinum 12 til 30 ára.
Samtökin munu framkvæma stefnuskrá sína með
því að gangast fyrir konsertum, opnum almenn-
ingi, en þátttakendum veittur aðgangur gegn
mjög vægu verði. Þar mun ungum tónlistar-
mönnum gefið tækifæri til að koma fram.
Að því er veit að alþjóðasambandinu er ráð-
gert að skiptast á mönnum við erlend félög.
Má þá búast við, að íslendingum verði boðið
út á vegum þeirra, en erlendir tónlistarmenn
sæki okkur heim. Ekki er hægt að segja nánar
um fyrirætlanir þeirra nímenninganna að svo
stöddu, en Vaki óskar þeim allra heilla í starfinu.
Þ. G.
Gert er ráð fyrir að tímaritið VAKI komi út einu sinni til tvisvar á ári
fyrst um sinn. Bréf og önnur erindi til ritsins skulu send til:
Tímaritsins Valca, Pósthólf 156, Reykjavík,
eða til ritstjóranna:
Höröur Ágústsson, Skólavörðustíg 28, Reykjavík,
Þorkell Grímsson, Wolfgang Edelstein
Légation d’Islande, 124 Bvd. Hausmann PARIS — VlIIe.
Handrit skulu helzt vélrituð. Timaritinu er ekki unnt að taka ábyrgð á
þeim handritum, sem því eru send.
Panta má tímaritið hjá bókaútgáfunni HELGAFELL. Forlagið tekur á
móti pöntunum frá útlöndum. Reynt 'mun að hafa timaritið á boðstólum
erlendis þar sem mest er um Islendinga.
TlMARlTlÐ VAKI
71