Vera - 01.10.2002, Qupperneq 24

vera
Karlmennska í kreppu
24
KVENNARÍKI í SJÓNVARPI?
Eru karlarnir heilalausir hálfvitar sem hugsa
ekki um annað en að éta og horfa á fótbolta?
Þórunn Hrefna Sigurjónsdóttir rýnir í erlenda framhaldsmyndaþætti á Skjá einum
Ég sá lesendabréf í einhverju dagblaðanna þar sem karl nokkur kvartaði sáran
yfir þeirri mynd sem dregin væri upp af karlmönnum í fjölskylduþáttum á Skjá
einum. Þar væru þeir heilalausir hálfvitar sem ekkert hugsuðu um annað en að
éta og horfa á fótbolta og í ofanálag létu þeir konuna sína ráða algerlega yfir
sér. Gott ef maðurinn vísaði ekki líka til sjónvarpsauglýsinga þar sem karli er
miskunnarlaust sparkað útúr rúmi til þess að konunni hans geti liðið betur og
annar karl er grimmúðlega læstur úti á matmálstíma vegna þess að konuna
langar að sitja ein að kræsingunum. „Hvað ef svona væri farið með konur í
sjónvarpi?" skrifaði karlinn og var stórlega misboðið.
Ég horfi stundum á fjölskylduþætti á borð við
Everybody Loves Raymond, King of Queens, Accor-
ding to Jim og Ladies Man á Skjá einum. Eftir að þessu
með stöðu kynjanna í þáttunum var velt upp fór ég að
skoða hana sérstaklega og komst á þá skoðun að það er
mjög eðlilegt að venjulegum körlum útí bæ sé misboðið.
Einhver hefur jafnvel látið að því liggja að jafnréttisbar-
áttan hafi í þessu tilliti gengið of langt. Að nú séu karlar
sannanlega réttdræpir hvar og hvenær sem er, þeir séu
alls staðar hafðir að háði og spotti, en konurnar standi
uppi sem sigurvegarar, búnar að troða karlana niður í
skítinn. Mér finnst þetta skelfileg tilhugsun og ákvað að
grafa aðeins dýpra til að komast að því hvort þetta sé
virkilega satt...
Að drekka bjór og borða...
Aðalpersónurnar í þáttunum sem ég nefndi hór að ofan
eru svo sannarlega undirmálsmenn á heimili. Jim í
According to Jim er tildæmis enginn fyrirmyndarmaður.
Hann borðar villimannslega mikið og rekur við eftir
matinn, hann hefur sjúklegan áhuga á íþróttaglápi, er
skapbráður í umferðinni og heldur mjög á lofti ýmsum
vanahugmyndum um stöðu kynjanna. Hann getur ekki
rætt um tilfinningar sínar, ekki beðist afsökunar, ekki
stjórnað sér á nokkurn hátt.
Hann á það þó sammerkt með flestum körlunum úr
þáttunum að hann á sárlega þolinmóða og góða konu
sem aldrei verður alvarlega reið, sama hvaða vitleysu
hann býður henni upp á. Hún er líka mun fallegri en
hann og mun skynsamari og gáfaðari.
í þáttunum King of Queens skyggnumst við inn í líf
barnlauss pars sem hefur föður konunnar inná heimili
sínu. Heimilisfaðirinn er fitubolla sem hugsar mest um
mat og sjónvarp og á það til að hafa hugann við ídýfur
og sósur þegar konan hans er að reyna að tala við hann
um mikilvæg málefni. Þess má geta að hann „á" sitt eig-
ið sjónvarpstæki og hefur það í sórstöku herbergi þang-
að sem vinir hans heimsækja hann og glápa, drekka bjor
og borða.
Konan, sem lítur út eins og velþjálfað súpermódel,
tekur að sér einhvers konar verkefni sem hún þarf að
vinna í tölvu (oftast heima), og er því eina konan í þátt-
unum fjórum sem vinnur utan heimilis. Húsbóndinn
reynir iðulega að fara á bakvið konuna með fíflalega
hegðun sína en alltaf kemst upp um hann. I einum
þættinum keypti hann sér mótorhjól þrátt fyrir áköf
mótmæli konunnar, kunni síðan ekkert með það að fara,
slasaði sig og þurfti að endingu að skila hjólinu. Þá gat
konan sagt: „Ég sagði þór þetta!" Hann skemmir líka
hluti og slasar sig á fáránlegan hátt en alltaf verður