Tímarit Þjóðræknisfélags Íslendinga - 01.01.1960, Síða 49

DR. VALDIMAR J. EYLANDS:
Deilan um Palestínu
Deilan um Palestínu, sem staðið
hefir á milli Gyðinga og Araba, nú
um nokkra áratugi, á einkum rætur
að rekja til fyrri heimsstyrjaldar-
innar og þeirra ráðstafana, sem stór-
veldin gerðu í landsmálum þar að
stríðinu loknu. Stafar deilan af því,
að báðar þessar frændþjóðir gera
þjóðréttarlegar og trúarbragðalegar
kröfur til einkaréttar á landinu fyr-
ir sig og niðja sína.
Allir kannast við Gyðinga, sem að
fornu og nýju eru einnig nefndir
Israelsmenn. Biblían er helzta heim-
ild um uppruna þeirra, einkum I.
Mósebók. Þar er sagt frá ættfeðr-
um þjóðarinnar, þeim Abraham,
ísak og Jakob. Ýmsir fræðimenn
efast um sannleiksgildi þessara frá-
sagna og telja jafnvel, að þessir
ættfeður hafi aldrei verið til öðruvísi
en sem persónur í skáldsögu. Aðrir
fræðimenn, jafnsnjallir, benda á, að
fornleifafræði nútímans staðfesti
hinar fornu frásögur. Tíu amerískir
háskólar hafa undanfarin ár staðið
að uppgreftri miklum, sem farið
hefir fram við musteriskastalann í
Síkem. Hafa þeir nýlega birt skýrslu
um árangurinn af þessu starfi og
telja hann staðfesta fullkomlega frá-
sögur ritningarinnar um þennan
stað. Síkem er fyrsta borgin, sem
talað er um í Biblíunni. Þar háði
Abimelek fsraelskonungur mikla
orustu 1150 árum f. Kr. og eyddi
horgina. Er greint frá þessum að-
förum í Dómarabókinni. Telja fræði-
menn þessir sig hafa fundið bygg-
ingar, sem stóðu þarna á dögum ætt-
feðra ísraels, en þess er getið, að
Abraham og Jakob hafi dvalizt þar
um skeið. Fræðimenn og sagnarit-
arar Gyðinga viðurkenna yfirleitt
frásögur Mósebókar um þetta efni
og telja hiklaust Abraham forföður
sinn og stofnanda þjóðarinnar. Þeir
benda einnig á, að það var Abraham,
forfaðir þeirra, hinn frumstæði
hjarðmaður, sem hlotnaðist mikil-
vægasta opinberun, sem mannkyni
hefir nokkru sinni veitzt; vitneskja
um einn Guð, skapara himins og
jarðar, sem vakir æ yfir þeim börn-
um sínum, sem hlýðnast boðum
hans, og er bæði heilagur og rétt-
látur. Telja Gyðingar Abraham
þannig ekki aðeins hinn fyrsta ísra-
elíta, heldur einnig hinn fyrsta ein-
gyðistrúarmann. Við Abraham var
mikill sáttmáli gerður og honum
gefið hið eilífa og óumbreytanlega
fyrirheit, er hann hafði flutzt til
Palestínu: „Ég mun gefa þér og niðj-
um þínum það land, sem þú nú býrð
í sem útlendingur, allt Kanaansland
til ævilangrar eignar“ (I. Mós. 17:8).
Út frá þessari frásögn er runnin að-
aluppistaðan í sögu Gyðinga fram
á þennan dag: einn Guð, eitt land,
ein þjóð. Gyðingar telja, að þessi
ummæli taki af allan vafa um það,
hverjir séu réttmætir eigendur
Palestínu, Abraham og niðjar hans,
— þeir sjálfir.
Arabar viðurkenna einnig frásög-
una um ættföðurinn Abraham og
hafa reist voldugt musteri á þeim