Uppeldi og menntun - 01.07.2011, Qupperneq 22

Uppeldi og menntUn/icelandic JoUrnal of edUcation 20 (2) 201122
raddir Ungs fólks Um stærðfræðinám
Stærð skólans gæti skipt máli. Ef það er stór skóli þá skiptist nemendahópurinn í
minni hópa, það er hópur sem var íþróttahópur og þeir sem vilja læra geðveikt mikið
hópur. Í stærri skóla eru hóparnir meira einangraðir og verða ekki fyrir áhrifum frá
hvor öðrum.
Í þessu samhengi var einnig rætt um kynjamun og kynbundna menningu. Viðmæl-
endur töldu að mismunandi hugmyndir væru meðal jafnaldra þeirra um það sem
drengir og stúlkur gerðu og gætu:
Ég var í risaskóla og var með íþróttastrákunum í bekk. Þeir voru nokkrir sem voru
alltaf í fótbolta og lærðu ekki heima en stóðu sig samt vel, síðan voru nokkrir algjörir
lúðar sem voru alltaf að læra. Það mátti aldrei sýna ef þeir [fótboltastrákarnir] fengu
10 þá var það svona, hvað er að þér.
Það voru ekki margir strákar sem vildu viðurkenna að þeir þyrftu að læra fyrir próf.
Stelpur gátu gert það sem þær vildu, ef þær vildu vera heima að læra þá var það
alveg í lagi.
Í vangaveltum um þessar fullyrðingar voru áberandi hugmyndir eins og: „Stelpur eru
duglegri að stunda námið vegna þess að stelpur þurfa að standa sig vel í námi til að
ná langt, sérstaklega okkar kynslóð.“ Það er athyglisvert að það sama gilti ekki um
drengi. Jafnvel var talið að orsökin gæti legið í því að drengir hefðu forskot frá nátt-
úrunnar hendi og þyrftu því ekki að leggja eins mikið á sig. Staðalímyndin „strákar
þurfa ekki að læra“ lifir þó að viðmælendur geri sér almennt grein fyrir því að hún
standist ekki. Fram kom hjá mörgum viðmælendum viðhorf eins og birtast í eftir-
farandi tilsvari:
[Maður] vissi nú alltaf að þeir lærðu eitthvað þó svo að þeir kæmu og segðu maður
lærði ekki neitt en þú færð ekkert 10 nema ef þú lærir.
Almennt töldu viðmælendur að stúlkur hefðu meiri metnað og væru markvissari í
að vinna að settu marki. Umræðan snerist um að stúlkur hefðu meiri metnað „strax á
yngri árum“ meðan „fáir strákar hafi haft metnað þegar þeir voru yngri“, „þeir ætla
að redda sér út úr þessu – [og læra fyrir] lokapróf, ég bara redda þessu þá“ eða „þeir
[strákarnir] nenntu þessu ekki í grunnskóla en átta sig síðan á því að þeir þurfa að
læra og leggja sig fram“. Fram kom það viðhorf að „stelpan hefur lagt miklu meira í
námið en strákarnir hafa reynt margt, hætt og byrjað aftur á einhverju nýju, þeir hafa
ekki hugmynd um hvað þeir vilja en stelpan heldur sínu striki“.
„Hvatning foreldra skiptir máli“
Áhrif foreldra og uppeldis komu sterklega fram í umræðunni um námsárangur í
stærðfræði. Viðmælendur voru sammála um að finnast „foreldrahvatning skipta mjög
miklu máli, ef foreldrar sýna engan áhuga þá er minni áhugi hjá mér“. Þeir töldu
áhuga foreldra stafa af umhyggju þeirra fyrir framtíð barna sinna því „margir krakk-
arnir eiga lærða foreldra og ef ekki lærðir þá vildu þeir foreldrar að börnin þeirra
lærðu“.