Árbók VFÍ/TFÍ - 01.01.1997, Page 8

6 Árbók VFÍ/TFÍ 1995/96
vekur út á við í starfsemi VFÍ og TFÍ. Fundargerðir aðalfunda endurspegla skoðanir félags-
manna og viðhorf til félaganna þar sem á aðalfundum er fjallað um þau mál sem eru í brenni-
depli og eru félögunum efst í huga.
Tækniannállinn heldur sfnum fasta sessi í bókinni. I áranna rás hefur hann heldur Iengst.
Rætt var um að stytta hann og var þá aðallega bent á kaflann um þjóðarbúskapinn, en það var
þó ekki gert að þessu sinni.
Fyrirtækjum og stofnunum er gefinn kostur á að kynna starfsemi sína í sérstökum kafla í
bókinni og um leið að styrkja útgáfu hennar. Er hér um að ræða einu fjáröflunina fyrir utan
auglýsingar. VFI og TFI kunna þeim fyrirtækjum og stofnunum sem það gerðu bestu þakkir.
í síðustu árbók var í fyrsta sinn gefinn kostur á birtingu ritrýndra fræðigreina sem teldust
sambærilegar ritrýndum greinum erlendis. Er það mikil framför og hagsmunamál fyrir
vísindamenn að geta birt sumar af greinum sínum hér innanlands. Til að greinar geti fallið í
flokk ritrýndra greina verða minnst tveir viðurkenndir ritrýnendur að fjalla um þær. Fullyrða
má að með þessum hætti hafi vegur árbókarinnar og gæði aukist. Ekki fer á milli mála að
mikill áhugi er fyrir ritrýndum greinum; í síðustu árbók fékkst aðeins ein slík grein en í
þessari árbók eru þær fimm talsins.
Hefðbundnar tækni- og vísindagreinar urðu að þessu sinni aðeins þrjár. Allar eru þær
athyglisverðar og merkilegar þó að þær hafi ekki verið ritrýndar. Að sjálfsögðu eru félags-
menn hvattir til að láta birta eftir sig greinar sem áhugaverðar eru, hvort sem þær eru ritrýndar
eða ekki.
Þættir úr sögu verkfræði og tæknifræði hafa verið í sérkafla í síðustu þremur árbókum. í
þeim hefur verið fjallað um menn og málefni á skemmtilegan hátt. Því miður barst engin grein
að þessu sinni sem flokkast gæti undir þennan málaflokk. Vonandi gera félagsmenn á því
bragarbót í næstu árbók.
Ég vil nota tækifærið og þakka öllum sem komið hafa við sögu við gerð þessarar bókar.
Ófáir félagsmenn í báðum félögum koma þar að verki. Innan nefnda og ráða starfa félags-
menn sleitulaust allt árið og sinna frjóu félagsstarfi. Mikið starf felst í að vinna úr gögnum
um félagsmál, stytta lesmál, finna ljósmyndir og raða niður efni þannig að vel fari. Ég vil
sérstaklega þakka þeim Karli Ómari Jónssyni og Páli A. Jónssyni, formönnum félaganna, og
ekki síður Arnbjörgu Eddu Guðbjörnsdóttur framkvæmdastjóra, sem áttu stærstan þátt í því
tímafreka verki. Guðríði Ó. Magnúsdóttur ritara og Auði Helgu Hafsteinsdóttur skrifstofu-
stúlku vil ég sömuleiðis þakka fyrir margs konar aðstoð. Fyrirtækjum og stofnunum er aftur
þakkað fyrir framlag þeirra og höfundum tækni- og vísindagreina fyrir fróðlegar greinar. Pétri
Astvaldssyni íslenskufræðingi þakka ég fyrir nákvæman prófarkalestur ritsins og prentsmiðj-
unni Steindórsprent Gutenberg vandaða vinnu við umbrot og prentun.
Ég vil að lokum færa stjórnum félaganna þakkir fyrir að hafa fengið tækifæri til að taka
þátt í útgáfu árbókarinnar að þessu sinni. Með því hef ég kynnst betur hinu margbrotna og
gróskumikla starfi sem á sér stað innan félaganna, auk þess sem það hefur veitt mér mikla
ánægju.
Það er von mín að félagsmenn hafi ánægju og fróðleik af lestri árbókarinnar og eru þeir
hér að lokum hvattir til enn frekari þátttöku í félagsstarfi.
Ragnar Ragnarsson, ritstjóri árbókar VFÍ/TFÍ